اسلام آباد ۔ 9 اپریل (اے پی پی) حالرسانی ءُُ شنگکاری ءِ بنجاہی وزیرچوہدری فواد حسین ءَ گوشت کہ آمیدگس ءَ را سرپد کنگ بوتگ کہ نواز شریف ہمکتر نادراھ انت کہ اگہ ایشی ءَ را ضمانت نہ رستگ تو جان ءَ را ھطرہ انت،ن لیگ ءَ ہروھد ءَ دروگ بستگ ات، عدالت ءَ را ایشی ءِ نوٹس زورگ بہ بیت۔ ھالرسانی ءِ بنجاہی وزیر چوہدری فواد حسین ءَ سئے شمبے ءَ وتی ٹویٹ ءِ تہ گوشت کہ ایمبولینس ءِ ابید فضل الرحمان اودا سر بوتگ ءُُ میاں صاحب ءَ را سیاسی آکسیجن داتگ۔آہاں گوشت کہ 1947ءَ چہ 2008ءِ تاں پاکستان ءِ مچ ڈنی وام 37 ارب ڈالرات،اے کلدار چہ اسلام جوڈ بوتگ،تربیلا ءُُ منگلا ڈیم جوڈ بوتگ ات،فوج ءِ نوکتریں وتاس رستگ ات، نیول بیسز جوڈ بوتگ ات، گوادر جوڈ بوتگ،موٹروے جوڈ بوتگ۔آہاں گوشت کہ 2008ءَ تاں دری وام 97ارب ڈالر تاں سربوتگ۔جست ایش انت کہ اے60ارب ڈالر کجام شتگ ات،چے اے زر دوھانداناں وتی تہ بھرءُُ بانگ کتگ ات۔آہاں گوشت کہ حدیبیہ فراڈ ءِ ماڈل دوئیں ھانداناں بار بار کارمرز کتگ، زر حوالہ ءُُ ہنڈیءَ چہ ڈن دیم دیئگ بوتگ ات ، جعلی اکاونٹس ءُُ جعلی مردم کامرز کتگ۔بنجاہی وزیر ھالرسانی ءُُ شنگکاری ءَ گوشت کہ نواز شریف ءُُ زرداری اے ڈرامہ ءِ بنجاہی کرد انت۔
