اسلام آباد۔9اپریل (اے پی پی ) چیئرمین محمد صادق سنجرانیءَ سینیٹ سیکرٹریٹ ءَ را پنتءُ شون کتگ کہ آ صوبائی ورناہ آناں بنجاہی رپک ءَ ہوار کنگءِ ھاترءَ گامگیج بہ کنت ءُ حاس ملکءِ دورءُ دراجیں دمگاں چہ سیادی داروکیں ورناہ آناں اے عمل ءَ ہوار کنگءِ ھاترءَ کوشست کنگ بہ بیت، اے درگتءَ یک یوتھ کانفرنس ئے کنگ بہ بیت، اے عملءِ بندات چہ بلوچستانءِ ورناہ آں چہ کنگ بہ بیت کہ ایشاں پد یوتھ مزن گس جوڑ کنگ بہ بیت کہ بلوچستانءِ ورناہ آنی توار جوڑ بہ بنت۔ آئیءَ اے حیالانی درشانی سینیٹ سیکرٹریٹ ءِ سینئر افسرآں گوں گپءُ تران کنانءَ کتگ۔ آئیءَ گشتگ کہ صوبہ ءِ ہمک ضلعءَ چہ ورناہ ہوار بہ بنت ۔ سینیٹءِ چیئرمین ءَ سیکرٹریٹ ءَ را پنتءُ شون کتگ کہ ایوان بالا ءُ صوبائی اسمبلی آنی نیامءَ نزیکی ءَ را گیش محکم کنگ بہ بیت۔ آئیءَ گشتگ کہ ایوان بالا ءُ صوبہ آنی نیامءَ وانگءُ زانگءُ معلوم داری ءِ بھرءُ بانگ کنگءِ یک پلیٹ فارم ئے دیئگ بہ بیت کہ آئیءِ تہءَ ایوان بالا ہاؤس آف فیڈریشن بوہگءَ بنکی کرد پیلو بکن اَنت۔ آئیءَ سینیٹ سیکرٹریٹ ءَ را اے ہوالگءَ عملی گامگیج چست کنگءِ پنتءُ شون کتگ۔
