مزن وزیر عمران خان ءِ فرانسیسی بیئپاری مردمانی گل ’’میڈف‘‘ ءِ ڈل ءِ گوما گند ءُُ نندءِ تہ گپ ءُُ تران

اسلام آباد ۔ 8 اپریل (اے پی پی)مزن وزیر عمران خان ءَ گوشت کہ پاکستان تہ کشت ءُُ کشاری،جہان گولی،صنعت ءِ ھوار لہتیں تکءِ تہ زرکاری ءِ دراجیں موہ ساڑی انت،حکومت بیئپار ءِ تہ آسراتی پیدا کنگ ءِ ھاترا ہرممکن گامگیج ءَ زورگ انت۔آہاں اے گپ فرانسیسی بیئپاری مردمانی گل(میڈف) ءِ ڈل ءِ گوما گپ ءُُ تران کنان ءَ کتگ ات آہاں دوشمبے ءَ مزن وزیر کارگس ءِ تہ آہاں گوں گند ءُُ نند کتگ۔ میڈف فرانسیسی بیئپاری مردمانی درستاں چہ مستریں گل انت ایشی ءِ باسکانی کساس ھپت ءُُ نیم لکھ ءَ چہ گیش انت۔ڈل ءَ مینوفیکچرنگ، کشت ءُُ کشاری ،ھاٹیگ ءُُ دگہ تکانی تہ زرکاری ءِ تہ جہلانکیں دلچسپی پدر کتگ۔مزن وزیر ءَ فرانسیسی بیئپاری مردمانی نیمگا چہ دلچسپی ءِ ھیر مقدم کنان ءَ حکومت ءِ زرکاردوست پالیسیانی ءُُ ملک ءِ تہ زرکاری ءِ موہ ءَ را دیما آرتگ۔آہاں کشت ءُُ کشاری ،مذہبی ،ٹوارزم،کوھی دمگانی ٹوارزم ،صنعت،ھاسیں اقتصادی زونزءِ تہ زرکاری ءِ ساڑی ءِ موہ ءِ سرا روژنی مان کتگ۔آہاں ملک ءِ تہ بیئپارءِ تہ آسراتی ءُُ گہتری ءِ ھاترا حکومت ءِ نیمگا چہ چست کتگیں گامانی باروا ھم ھیال ریچی کنگ بوتگ۔