اسلام آباد ۔ 8 اپریل (اے پی پی) وفاقی بنجاہی وزیر پیٹرولیم غلام سرور خان ءَ گوشت کہ حکومت مزن وزیر عمران خان ءِ سروکی ءَ ملک ءِ تہ زرکاری ءِ ھاترا شریں چاگرد پھجارگ ءِ پالیسی ءِ سرا وڈ ءُُ پیم کنگ انت، حکومت انرجی سیکٹر ءِ تہ گڈ گورننس ءِ ردا پاکستان ءِ تہ ھاٹیگ ءِ بحران ءِ سرا گرودار کنگ ءِ کوشست ءَ گوں ھوار باندات ءِ ضلورتاں را پیلو کنگ ءِ منصوبگ ساچی کنگ انت۔اے ھیالانی درشان آہاں دوشمبے ءَ ادا ھندی ھوٹل ءِ تہ برجم بیوکیں پاکستان انوسٹمنٹ کانفرنس ءِ 40باسکی بیئپاری ڈلے گوما گپ ءُُ تران کنگ ات۔آہاں گوشت کہ وزارت پٹرولیم پاکستان ءِ 75 درسد انرجی سپلائز ءِ ضلورتاں را پیلو کنگ ءَ دزگٹ انت۔ پاکستان ءِ معاشی استحکام ءِ ھاترا الم انت کہ ملک ءِ ھاٹیگ ءِ تہ گیش بوتگیں ضلورتاں را سرجم کنگ ءِ ھاترا قابل بھروسہ ءُُ ارزاں ھاٹیگ پھجارگ بنت۔اے آسر ءَ مزن وزیر عمران خان ءِ سروکی ءَ حکومت تیل ءُُ گیس ءِ تک ءِ تہ زرکاری ءِ ودکی ءِ سرا سرجمیں دلگوشی دیگ انت، معیاری ،ارزاں نہاداں ءُُ چاگرد دوست تیل ءِ پھجارگ حکومت ءِ دلگوشی ءَ ھوار انت، ٹرانسپورٹ، صنعت ءَ ءُُ پاور سیکٹرءِ ضلورتاں را پیلو کنگ ءِ ھاترا بازیں ھندی ءُُ میاں اوستمانی کمپنی ءَ پاکستان ءِ تہ زرکاری کنگ انت ءُُ نوکتریں ریفائنریاں جنئگ انت۔
