اسلام آباد ۔ 8 اپریل (اے پی پی) چیئرمین سینیٹ محمد صادق سنجرانی ءَ سینیٹ ءِ قائمہ کمیٹی برائے ھزانگ ءَ را کڈنی دات کہ پاکستان تیابی ءُُ ایشی نزیکیں دمگانی تہ ٹوارزم ءِ ودکی ءِ ھاترا ٹیکساں چہ استثنیٰ دیگ ءِ سرا چار ءُُ تپاس کنگ بیت ءُُ اے درگت ءَ یک ماہے توکا رپورٹ پیش کنگ بہ بیت۔دوشمبے ءَ سینیٹ سیکرٹریٹ ءَ چہ جاڑی بیان ءِ ردا چیئرمین سینیٹ ءَ گوشت کہ ملکءِ تہ ٹوارزم ءِ پراھی ءِ ھاترا گامگیج زورگ ءِ ضلورت انت۔پاکستان ءِ تہ ٹوارزم ءَ را صنعت ءِ درجہ حاصل انت بلے اے وھد ءَ اے صنعت ایوکا کوہ پیمائی ءُُ راجدپتری دمگانی تاں محدود انت۔آہاں گوشت کہ پاکستان ءِ تیابی دمگءُُ ایشی ءِ نزیکیں دمگ نیچرل بیوٹی ءَ چہ مالا مال انت اے دمگ یکشلہ نذرانداز انت۔ سینیٹ قائمہ کمیٹی برائے ھزانگ دھ سال ءِ ھاترا اے تک ءَ را ٹیکس فری کنگ ءِ ھاترا چار ءُُ بچار کنگ انت۔ محمد صادق سنجرانیءَ گوشت کہ ٹیکس فری کنگ چہ تیابی دمگانی تہ ٹوارزم ءِ تک ءِ تہ زرکاری ءَ را پراھی رسیت۔چییئرمین سینیٹ ءَ سینیٹ ءِ قائمہ کمیٹی برائے ھزانگ چہ رپورٹ لوٹ کرتگ۔
