اسلام آباد ۔ 8 اپریل (اے پی پی) صدر مملکت ڈاکٹر عارف علوی ءَ گوشت کہ پاکستان فرانس ءَ گوں وتی دودیمی سیادی ءَ را گیش کنگ ءُُ دوئیں ملکانی وت مہ وتی مفادءِ تہ بیئپارءُُ زرکاری ءِ تکانی تہ کمک ءَ را گیش ءِ موہ شوہاز کنگ ءِ واھگدارانت۔ صدر مملکتءَ اے ھیالانی درشان میڈیف (ایم ای ڈی ای ایف) انٹرنیشنل ءِ پاک فرانس بزنس کونسل ءِ چیئرمین ءُُ ٹوٹل گلوبل سروسز ءِ صدر تھیری فلملن ءِ گوما گپ ءُُ تران کنان ءَ کتگ ات۔آئی ءَ دوشمبے ءَ ادا ایوان صدر ءِ تہ ڈلے ہمبراہی ءَ صدر ءِ گوما گند ءُُ نند کتگ۔ صدر مملکت ءَ گوشت کہ پاکستان فرانس ءَ گوں وتی سیادی ءَ را شرپے چماں چارگ انت۔آہاں گوشت کہ پاکستان ھاسکر مینوفیکچرنگ، تعمیرات، سیاحت، مواصلات ءُُ روڈ انفراسٹرکچر ءِ تک ءِ تہ فرانس ءِ زرکارانی ھاترا سرمایہ کاری ءِ لہتیں موہ ءِ پیش کش کنگ انت۔آہاں گوشت کہ فرانس ءِ زرکارپاکستان ءِ لبرل سرمایہ کاری پالیسیاں چہ پائدگ ءَ چست کن ایت۔آہاں گوشت کہ پاکستانءِ تہ سرمایہ کاری ءِ پالیسی سرمایہ کارانی ھاترا مزنیں پرکشش انت ءُُ ایشی ءِ تہ ایشانی ھاترا پائدگ چست کنگ ءِ مزنیں موہ ساڑی انت۔ درملکی کمپنیءَ را مقامی ءُُ درملکی بینکاں چہ وام زورگ ءِ آسراتی حاصل انت۔ صدر مملکت ءَ گوشت کہ توانائی، شاھدگانی، ریلوے ءِ نیٹ ورک، سافٹ ویئر ڈویلپمنٹ ءُُ دومی لہتیں تکانی تہ سی پیک ءِ منصوبگ فرانسیسی کمپنیانی ھاترا باز موہ ءِ حامل انت۔آہاں گوشت کہ اے وھد ءَ پاکستان ءِ تہ 7 ھاسیں اقتصادی زونز ہڈ دیگ بوتگ ات ءُُ فرانسیسی کمپنی اے زونز ءِ تہ وتی صنعتی یونٹ ءَ جن انت ۔آہاں گوشت کہ حکومت پاکستان جندی تک ءَ را آسراتی پھجارگ ءِ ھاترا پرجزم انت۔آہاں گوشت کہ پاکستان درملکی زرکاران وش اتک کن ایت۔ سرمایہ کاری بورڈ ءِ چیئرمین ہارون شریف ءُُ پاکستان ءِ تہ فرانس ءِ سفیر مارچ بارٹے ھم اے موہ ءَ ساڑی اتنت۔
