اسلام آباد ۔ 8 اپریل (اے پی پی) راجی اسمبلی ءِ سپیکر اسد قیصر خان ءَ گوشت کہ پاکستان ایران ءَ گوں پیسر ءَ چہ ساڑی دوستی ءُُ براتی سیادی ءَ را گیش مھکم جوڈ کنگ ءِ واھگدار انت، دونوں ملکانی پارلیمانی نماھندگانی میان ءَ تچکی رھوت چہ خطہ ءِ تہ اتحاد ءُُ گہبودی ءَ را ودکی ملیت۔کشمیر ءِ سرا ایرانی موقف ستا ءِ لائق انت۔اے ھیالانی درشان آہاں دوشمبے ءَ دوحہ ءَ برجمیں 4روچی بین الپارلیمانی یونین ءِ 140می اسمبلی دیوان ءِ موہ ءِ سرا وتی ایرانی ہمکار ڈاکٹر علی لاریجانی ءِ گوما گند ءُُ نند ءِ تہ کتگ ات۔گند ءُُ نند ءِ تہ دودیمی سیادیانی ھوار دمگی سلامتی ءُُ دگہ ھاسیں معاملہانی سرا سرجمیں ھیال ریچی کنگ بوتگ۔سپیکر قومی اسمبلی اسد قیصر ءَ گوشت کہ پاکستان ءُُ ایران مذہب ،اخوت،ربیدگی ءُُ ہمساھگی ءِ لازوال رشتہ ءَ گوں بندوک انت، پاکستان ایران ءِ گوما پیسرچہ ساڑی دوستی ءُُ براتی ءِ سیادی ءَ را گیش مھکم کنگ ءِ واھگدارانت۔آہاں گوشت کہ میاں اوستمانی براتری زوربرتگیں کشمیر ءِ مہلوک ءَ گوں بوتگیں زلم ءُُ زوراکی ءِ نوٹس ءَ زورایت۔
