ملتان۔ 7 اپریل (اے پی پی)تہی کارانی بنجاہی وزیر مخدوم شاہ محمودقریشی ءَ گوشت کہ مئے کرءَ پکہ حال انت کہ بھارت پاکستان ءِ ھلاپ ءَ جارحیت ءِ یک پندل ءِ جوڈ کنگ انت ءُُ اے جارحیت 16چہ 20اپریل تاں بوت کنت۔ سرکٹ ہاؤس ملتان ءِ تہ یک شمبے ءِ روچ ءَ پریس کانفرنس ءَ گوں تران کنان ءَ دری کارانی بنجاہی وزیر ءَ گوشت کہ جارحیتءِ جواز شوہاز کنگ ءِ ھاترا زوربرتگیں کشمیر ءِ تہ پلوامہ ءِ وڈیں یک واکیہ دیما آرگ بہ بیت تنکہ ایشی ءِ آسرءَ فوجی کارروائی کنگ بیت۔بنجاہی وزیر ءَ گوشت کہ اے حالانی رندا دری کارانی وزیر ءَ اسلام آباد ءِ تہ زوت پی فائیو ملکانی سفارتکاراں را دری کارانی کارگس ءِ تہ دعوت داتگ ءُُ آہاں را اے جاورھال چہ سرپد کتگ۔مہ لوٹگ اوں کہ میاں اوستمانی براھندگی اے غیر زمہ وارانہ تب ءِ نوٹس ءَ گرایت کہ آں اے راھ ءِ سرا مہ چل ایت۔آہاں گیش گوشت کہ بھارتی میڈیا ءِ رپورٹ ءِ ردا حالی ءَ بھارت ءِ تہ سیکیورٹی ءِ باروا کابینہ کمیٹی ءِ یک دیوان ءِ تہ بھارت ءِ سلاھ بندیں اُردو ءِ سروکاں وھدیکہ گوشت کہ مہ پاکستان ءِ ھلاپءَ کارروائی ءِ ھاترا بھارتی حکومت ءِ نیمگا چہ سیاسی موکل ءِ منتظر انت تو اے دیوان ءِ تہ بھارتی مزن وزیر ءَ گوشت کہ شمارءَ من فری ہینڈ داتگ انت ،شماراکارروائی ءِ اجازت انت ۔دری کارانی وزیر ءَ گوشت کہ آں ایشی ءَ ھم گوشگ انت کہ اے کارروائی آجو ءِ کشمیر ءِ تاں محدود مہ بیت ءُُ مہ آزات کشمیر چہ ڈن ءَ ھم پاکستان ءِ فوجی تنصیباں را نشان جوڈ کنیں۔آہاں گوشت کہ بھارت ءَ وھدیکہ پلوامہ ءِ واکیہ ءِ پدا 26فروری ءَ پاکستان ءِ ھلاپ ءَ جارحیت کت ءُُ مئے فضائی حدءِ ھلاپ ورزی کنان ءَ 1971ءِ پدا اولی رند ءَ لائن آف کنٹرول ءَ را عبور کتگ۔شاہ محمود قریشی ءَ گوشت کہ میاں اوستمانی براھندگی جاور ءِ نگیگی ءَ را سمجھ انت ءُُ وتی کرد ءَ ادا کن انت۔آہاں گوشت کہ پلوامہ ءِ پدا زوربرتگیں کشمیر ءِ تہ بھارتی زلم ءُُ زوراکی ءِ تہ گیشی بوتگ۔ایشی ءَ چہ سرجمیں جنوبی ایشیا ءِ امن ءُُ ایمنی متاثر بہ بیت۔دری کارانی وزیر ءَ گوشت کہ پاکستان پیسر ءَ ھم کشمیریانی پُرامنیں سیاسی جدوجہد ءِ پلہ مرزی کنگ انت ءُُ باندات ءَ ھم پلہ مرزی برجاہ دارایت۔استیں حکومت کشمیریانی سرجمیں سپورٹ کن ایت۔
