اسلام آباد ۔ 7 اپریل (اے پی پی) سپیکر قومی اسمبلی اسد قیصرءَ زور دات کہ بین الپارلیمانی یونین ءِ سروکی دیوان ءِ تہ ایشیائی ملکاں را یکجاھیں موقف اختیار کنگ بیت۔یک شمبے ءَ بنشون ءِ ردا بین الپارلیمانی یونین ءِ دیوان چہ پیسر ءَ ایشیابحرالکاہل گروپ ءِ دیوان دوحہ ءِ تہ برجم دارگ بوتگ۔دیوان ءِ تہ لہتیں معاملہانی سرا چار ءُُ تپاس کنگ بوتگ،ایشی ءِ تہ اسلامو فوبیا ، سرجمیں دگنیا ءِ تہ مسلم اقلیتانی رکھگ ،فلسطینی مہلوک ءِ قسمت ءِ پیسلہ ءُُ افریکی ملکانی تہ تیاب ءِ ردا کمکی کارروائیانی جائزگ ھوار انت۔ ترکی ءُُ انڈونیشیا ءَ اسلاموفوبیا سرا جتاھیں قرارداد پیش کتگ ات وھدیکہ کویت ءُُ مراکش ءَ فلسطین ءِ مہلوک سرا زلم ءُُ زوراکی ءِ ھلاپ قرارداد ءِ سرا زور مان کتگ۔دیوان ءِ سروکی کنان ءَ سپیکر اسد قیصر ءَ اے گپ ءِ سرا زور مان کتگ کہ بین الپارلیمانی یونین ءِ سروکی دیوان ءِ تہ ایشیائی ملکانی یکجاھیں موقف اختیار کنگ لوٹ ایت۔اے درگت ءَ چیئرمین ءِ بستار ءَ سپیکر اسد قیصر ءَ کرائسٹ چرچ ءِ مسیت ءِ تہ بیمکاری ءِ واکیہ ءِ سرا نیوزی لینڈ ءِ مہلوک ءُُ آئی ءِ پارلیمنٹ ءَ گوں اپسوز ءِ درشان کتگ۔سپیکر اسد قیصر ءَ لہتیں ملکانی میان ءَ جیڈھءُُ جنجالانی گیشینگ ءِ ھاترا پارلیمانی سفارتکاری ءِ ضلورت ءِ سرا زور داتگ۔ایشی ءِ پدا سپیکر اسد قیصر ءَ اومان ءِ ہمکار خالد الموالیءِ گوما گند ءُُ نند کتگ۔گند ءُُ نند ءِ تہ دوئیں راھشون ءَ دودیمی بیئپار ءُُ پارلیمانی رھوت ءِ پراھی سرا تپاکی کتگ۔سپیکر ءَ گوشت کہ پاکستان عمان ءَ گوں وتی سیادی ءَ را شرپ ءِ چماں چارگ انت۔دیوان ءِ تہ سپیکر بنجاہی اسمبلی وتی دگہ ہمکاراں گوں ھاسیں گند ءُُ ننداں کن انت۔آں آئی پی یو ءِ جنرل اسمبلی ءِ ھاسین دیوان ءَ گوں گشتانک ھم کن انت۔
