اسلام آباد۔ 6 اپریل (اے پی پی)ھالرسانی ءُُ شنگکاری وزیر چوہدری فواد حسین ءَ گوشت کہ سعودی عرب امت مسلمہ ءِ راھشون ءِ کرد ادا کنگ انت، سعودی عرب ءُُ پاکستان ھوار بوانءَ اسلام ءِ سافٹ امیج دگنیا ءِ دیما آرگ ءِ کوشست کنگ انت۔سعودی عرب ءِ روتاک الریاضءِ تہ شنگ گلگدار ءِ تہ آہاں گوشت کہ سعودی عرب میاں اوستمانی فورمز ءُُ میاں اوستمانی پیسلہ ساچی ءِ تہ وتی سرجمیں کردادا کنگ انت۔آہاں گوشت کہ سعودی عرب امت مسلمہ ءِ گہبودی ءِ ھاترا ھاسیں کرد ادا کنگ انت ءُُ امت مسلمہ ءَ را دیم ھطرہ ءِ ھاترا یک ڈھال انت۔ چوہدری فوادءَ گوشت کہ سعودی عرب دمگی ءُُ میاں اوستمانی تبک ءَ لہتیں ملکاں گوں سیکیورٹی نظام ءِ بنیات ءَ جہلانکیں سیادی ایر کنگ انت ہمہ کہ امت مسلمہ ءِ صفانی تہ یکجہتی ودی کنگ انت،ھالرسانی ءِ وزیر ءَ گوشت کہ پاکستان ءُُ سعودی عرب ءِ میانءَ باز مھکمیں سیادی انت۔آہاں گوشت کہ سعودی ولی عہد محمد بن سلمانءَ پاکستان ءُُ بھارت ءِ میانءَ جیڈھ ءَ را کم کنگ ءِ تہ کرد پیلو کتگ۔آہاں گوشت کہ سعودی ولی عہد اسلام ءُُ مسلمانانی روژن عکسءَ را دگنیا ءَ پیدارگ ءِ ھاترا کوشاں انت۔فواد چوہدری ءَ گوشت کہ خطہ ءِ جاورھال ءُُ پاکستان ءِ کرد ءِ سرا روژنی ھم مان کتگ۔
