اسلام آباد۔ 6 اپریل (اے پی پی) قومی اسمبلی ءِ سپیکر اسد قیصر ءِ سروکی ءَ پاکستان ءِ پارلیمانی ڈل بین الپارلیمانی یونین ءِ دیوان ءِ تہ بھرزوری کنگ ءِ ھاترا گتر ءِ بن شہر دوحہ ءَ سر بوتگ ات۔ایشی ءِ تہ ایشیا۔ بحرالکاہلءِ 35 باسکی پارلیمانی گروپ ءِ سروکی کن ایت۔ چینءِ ھوار جنوبی ءُُ مشرقی ایشیاءِ ھاسیں ملکانی ھوار، کینیڈا، آسٹریلیا ءُُ نیوزی لینڈ ھوار انت۔ بین الپارلیمانی یونین ءِ دیوان چہ پیسر ءَ ایشیا۔ بحرالکاہل گروپ ءِ دیوان دوحہ ءَ برجم بوتگ ایشی ءِ تہ پنچ ھاسیں موضوع آنی سرا چار ءُُ تپاس کنگ بوتگ۔ایشی ءِ تہ اسلامو فوبیا ، سرجمیں دگنیا ءِ تہ مسلم،اقلیتانی رکھگ،فلسطینی مہلوک ءِ قسمت ءِ پیسلہ ءُُ افریقی ملکانی تہ تیابی توپان ءِ پدا کمکی کارروائیانی جائزگ گرگ ھوار انت۔ ترکی ءُُ انڈونیشیا ءَ اسلام فوبیا سرا جتا جتاھیں قرارداد پیش کتگ ات وھدیکہ کویت ءُُ مراکش ءَ فلسطین ءِ راج ءِ قراردادانی سرا زور داتگ۔دیوان ءِ سروکی کنان ءَ سپیکر اسد قیصر ءَ اے گپے سرا زور مان کتگ کہ بین الپارلیمانی یونین ءِ سروکی دیوان ءِ تہ ایشیائی ملکاں را یکجاھیں موقف ایر کنگ بیت۔اے درگت ءَ چیئرمین ءِ بستار ءَ سپیکر اسد قیصر ءَ کرائسٹ چرچ ءِ مسیت ءِ سرا آسرکاری اُرش ءِ سرا نیوزی لینڈ ءِ مہلوک ءُُ ائی ءِ پارلیمنٹ ءَ گوں دلپدردی ءِ درشان کتگ۔
