اسلام آباد۔ 05اپریل (اے پی پی) وزارت بحری امور سمندر آن پبی کچرا تے یکجا کننگ کن مسہ کشتی ءِ سمندر اٹی دڑفینے۔ سمندری دنگ انا سفائی ءِ کروک آ کشتی تا بنائی دود آن تران کرسا بنجائی وزیر بحری امور علی زیدی پارے کہ بنائی مرحلہ ٹی مسہ کشتی سمندر آن پبی کچراتے یکجا کیرہ، غٹ کشتی تے لائخ انگا پاکستانی مرین انجینئرز تیار کرینے، ہردے دُوانزدہ ءُ نیم لکھ ٹن کچرا و 65کروڑ گیلن خراب انگا دیر کراچی آن سمندر برد مریک ، کچرا و سیوریج نا دیر کراچی نا کرک آسمندری حیات کم و ود چٹفینے۔ اوپارے کہ سمندری حیات چٹنگ آن ماہی گیری و کرک انا فطری حسن ءِ ناقابل تلافی نسخان رسینگانے ، سیل و سوات نا مون آ دننگ و ماہی گیر آتا شرحالی کن دُن انگا گام گیج آک وخت انا اہم ءُ گرج اسے ءُ۔ بنجائی وزیر بحری امور پارے کہ ہراتم صوبائی حکومت خاچے تو انتظامی خلاء بنجائی حکومت ءِ ہی پورو کروئی ءِ۔ اوپارے کہ ہراتم کرک آن گدرینگاٹہ تو شدت اٹ دا ہیت انا کمتی ءِ محسوس کریٹہ ، صوبائی عہدیدارآک اگہ چکار کریرہ تو کراچی سیل و سوات نا ہند مسکہ۔
