اسلام آباد۔ 05 اپریل (اے پی پی) گوادر فری اکنامک زون انا پائلٹ فیز انا کاریم ءِ پورو کننگانے و ڈٹ انا بنائی مرحلہ ٹی پنچ چینی و مسہ پاکستانی کمپنی تا کنڈآن 48 ملین ڈالر نا زرکاری کننگانے۔ سی پیک سیکرٹریٹ نا کمامدارآتارداٹ فری اکنامک زون 923 ایکڑ رقبہ غا تالان مریک ہرانا ارٹ میکو مرحلہ نا کاریم ءِ زوت بناکننگ انگ ءِ۔ ہنداوڑ گوادر نا شاری تے اِرالکھ گیلن دیر فراوان کننگ نا ڈٹ ءِ ہم بناکننگانے۔ فروری 2015ء ٹی گوادر نا بندرگاہ چائنیز اوورسیز پورٹ ہولڈنگ کمپنی ءِ تننگاسس تانکہ دادے آپریشنل کننگ مرے۔ اوپارے کہ بندرگاہ غا بحری جہاز آتا ہن و بربرجاءِ ہرا واپاری گڑاتتون ازباب آتا نقل و حمل کننگ ءُ۔ اوپارے کہ گوادر بندرگاہ نا ڈٹ بروک آ مسہ یا چار سال اٹی پورو وڑاٹ آپریشنل مریک۔
