اوغان مفاہمتی عمل اٹی مروک آ پیش رفت و تین پہ تینی است خواہی نا اہم ہڑتوم آ کنڈآتا معاملہ غاتیا گپ و تران
پاکستان اوغانستان اٹی سیاسی مصالحت کن نیک نیتی اٹ تینا کمکاری ءِ برجاتخک، وزیر خارجہ شاہ محمود قریشی
اسلام آباد۔ 05اپریل (اے پی پی) وزیر خارجہ شاہ محمود قریشی بین الافغان مذاکرات نا بابت پیش رفت انا ستاءِ کرسا پارے کہ اوغانی تا نیام اٹ مذاکرات نا اڈتننگ اوغان مفاہمتی عمل نا اہم ءُ جزو اسے ، پاکستان اوغانستان اٹی سیاسی مصالحت کن نیک نیتی اٹ تینا کمک ءِ برجاتخک۔ اوداہیت ءِ جمعہ نادے آ امریکی نمائندہ خصوصی اوغان مفاہمتی عمل زلمے خلیل زاد تون داڑے اوڑدہی ٹی پارے ہراٹی اوغان مفاہمتی عمل اٹ مروک آ پیش رفت تون اوار تین پہ تینی است خواہی نا اہم ہڑتوم آ کنڈآتا معاملہ غاتیا گپ و تران مس۔ زلمے خلیل زاد وزیر خارجہ ءِ دوحہ مذاکرات اٹی مروک آ پیش رفت و اوغان امن عمل نا چرجوئی ٹی تینا ساڑی اختہ مننگ نا سرجم آتیان معلومدار کرے و اوغانستان اٹی تینا اہم اوڑدہی تا بارواٹ ہم پارے۔ وزیر خارجہ مخدوم شاہ محمود قریشی انٹرااوغان مذاکرات نا بابت پیش رفت انا ستاءِ کرسا پارے کہ اوغانی تا نیام اٹ مذاکرات نا اڈتننگ اوغان مفاہمتی عمل نا اہم ءُ جزو اسے۔ اوپارے کہ پاکستان اوغانستان اٹی سیاسی مصالحت کن نیک نیتی اٹ تینا کمک ءِ برجاتخک۔ مخدوم شاہ محمود قریشی پارے کہ پاکستان ، دیرپا جوڑ جاڑ و شونداری نا ایجنڈا غا روان ءِ، اوغانستان اٹی امن و سوگوی پاکستان تون اوار مچ آ ڈیہہ نا بھاز جوان فائدہ ٹی ءِ۔
