اسلام آباد۔ 4 اپریل (اے پی پی)وزیرمملکت برائے موسمی مٹ ءُُ بدلی زرتاج گل ءَ گوشت کہ استیں حکومت ورنا آنی سرءَ سرمایہ کاری کنگ ءَ انت، ورنا آناں جوانیں وانگ ءُُ زانگ ءُُ ھیل کاری پجاری ءَ چہ روزگار ءِ گیش موہ رسینگ انت۔ پنچ شمبے ءِ روچ ءَ اے ھیالانی درشانی آئی ائیر یونیورسٹی ءِ چیر دستی ءَ ھمک سالی کیرئیر فیئر ءِ مراگش ءَ گوں گشتانک دیان ءَ کت۔ اے موہ ءِ سر ءَ ائیر یونیورسٹی ءِ وائس چانسلر ایئر وائس مارشل (ر) فائز امیر ءُُ جتا جتائیں ادارگ آنی نماھندگ ھم ساڑی اتنت۔ گوزوکیں سال ءَ ائیر یونیورسٹی کیر ئیر فئیر ءَ 70ءَ چہ گیش ملکی ءُُ میاں اوستمانی ادارگ آں ھم بھر زوری کت۔ مراگش ءِ ھاسیں مہمان رزتاج گل ءَ بھر زورکیں مردم آناں گشتانک دات۔ اے موہ ءَ الیکٹریکل انجینئرنگ، میکینکل انجینئرنگ، کمپیوٹر سائنس، میکاٹرونکس، بزنس ایڈمنسٹریشن ءُُ سوشل سائنسز ءِ شوبگ ءَ وانوکیں نودربر آنی مزنیں کساس ءِ ھم ساڑی ات۔ ایشی ءَ چہ پیسر جتا جتائیں ادارگ آنی نماھندگ آں مزوری ءِ واھگ داریں اسٹوڈنٹس آناں استیں جاب مارکیٹ ءِ نوکیں دلگوشی آں گوں سرپدی کنائینت۔
