پاکستان میری ٹائم میوزیم کراچی ءَ ’’پا کستان ءَ زرئی سیل ءُُ سوادی ءِ پڑ ءَ اوست کتگیں دیمروئی‘‘ ءِ بن گپ ءِ سر ءَ سیمینار ءِ بنگیج

اسلام آباد۔ 4 اپریل (اے پی پی)نیشنل انسٹی ٹیوٹ آف میری ٹائم افئیرز ءِ چیر دستی ءَ پاکستان میری ٹائم میوزیم کراچی ءَ ’’پا کستان ءَ زرئی سیل ءُُ سواد ءِ پڑ ءَ اوست کتگیں دیمروئی ‘‘ ءِ بن گپ ءِ سر ءَ یک سیمینار ءِ بنگیج کنگ بوت۔ اے سیمینار وتی رنگ ءِ جتایں سیمینارے ات ایشی ءِ مول ءُُ مراد ٹائم اسٹیک ہولڈرز، وانگی شوبگ ءَ گوں سیادی داروکیں مردم ءُُ سیل ءُُ سواد ءِ بلدکار ءَ را یک پلیٹ فارمے ءِ سر ءَ یک جاہ کنان ءَ الس ءَ اے بابت ءَ سرپدی دیگ انت۔ اے موہ ءِ سر ءَ نیشنل سینٹر فار میری ٹائم پالیسی ریسرچ ءِ پیسریگیں ڈائریکٹر جنرل وائس ایڈمرل (ر) آصف ہمایون ھاسیں مہمان اَت ۔ وتی گشتانک ءِ تہ ءَ ھاسیں مہمان ءَ گوشت کہ بلیو اکانومی ءِ ارزشت ءِ سر ءَ زور پر دیان ءَ گوشت کہ میری ٹائم سیکٹر ءِ دیمروئی ءَ پاکستان ءِ روشنائیں آیکویں باندات بندوک انت۔ ڈائریکٹر جنرل نیشنل انسٹیٹیوٹ آف میری ٹائم افیئرز وائس ایڈمرل (ر) سید خاور علی شاہ ءَ وتی گشتانک ءِ تہ ءَ میری سیکٹر ءِ دیمروئی ءِ سر ءَ زور پر دات۔ اے سیمینار ءِ تہ ءَ ٹوھیں بلدکار ، کلانہ ءُُ ریسرچر ھم ساڑی اتنت۔