اسلام آباد۔ 04اپریل (اے پی پی) بنجائی وزیر بین الصوبائی رابطہ ڈاکٹر فہمیدا مرزا پارینے کہ ملک اٹی سیل و سوات ءِ مون آ دننگ کن پاکستان ٹریول ایجنٹ ایسوسی ایشن نا کڑد بھاز اہم ءِ ، وزیراعظم نا ویژن نا رداٹ ساڑی حکومت سیل و سوات نا مون آ دننگ نا بابت مثبت گام گیج کننگ ءِ۔ داخیال آتا درشانی ءِ او پنچ شنبے نادے آ پاکستان ٹریول ایجنٹ ایسوسی ایشن نا ڈل اتون اوڑدہی ٹی کرے۔ اوڑدہی ٹی ٹریولر ایجنٹ ایسوسی ایشن نا نمائندہ غاک ٹریول ایجنسی و ٹور آپریٹنگ نا بابت پیش بروک آ ویل آتا احاطہ ءِ کرے۔ ڈاکٹر فہمیدا مرزا پارے کہ ملک اٹی سیل و سوات ءِ مون آ دننگ کن پاکستان ٹریولر ایجنٹ ایسوسی ایشن نا کڑز بھاز اہم ءِ۔ وزیراعظم نا ویژن نا رداٹ ساڑی حکومت سیل و سوات ءِ مون آ دننگ نا بابت مثبت گام گیج کننگ ءِ۔ سیل و سوات ءِ مون آ دننگ کن غٹ اسٹیک ہولڈرز آتا رائے اہم ءِ، ٹریولر ایجنٹ ایسوسی ایشن نا صدر پارے کہ حکومت سیل و سوات ءِ مون آ دننگ کن بلاشبہ مثبت گام گیج کننگ ءِ۔ حکومت نا ویزا پالیسی ٹی نرمی آن ملک اٹی سیل و سوات ءِ مون آ دننگک۔ صوبائی و بنجائی دنگ اٹ مننگ نا بابت کانودی پیچیدگی ، دوہری ٹیکسیشن ، لائسنسنگ، و ایلو مشکل آتیا ہیت کننگا۔ بنجائی وزیر چکار نا چاری ویل آتا پیدواری ءِ کننگ نا بابت ٹریولر ایجنٹ ایسوسی ایشن نا نمائندہ غاتا منت واری ءِ ہرفے و ویل آتا ایسری ٹی کمکاری نا باوری کرفے۔ بنجائی وزیر بین الصوبائی رابطہ ڈاکٹر فہمیدا آن بیدس پارلیمانی سیکرٹری بین الصوبائی رابطہ صائمہ ندیم، اسپیشل سیکرٹری بین الصوبائی رابطہ تسنیم رحمان و سیکرٹری بین الصوبائی رابطہ اکبر دورانی ئسک ساڑی ئسر۔
