اسلام آباد۔ 04اپریل (اے پی پی) نیشنل الیکٹرک پاور ریگولیٹری اتھارٹی (نیپرا) ڈسٹری بیوشن کمپنی تیان تیرمہ و خاص کر روچہ ٹی بجلی نا فراوانی نا بابت سرجم ءُ ڈٹ اس بٹنگانے۔ نیپرا ذرائع نا رداٹ دا پلان اٹی غٹ ڈسٹری بیوشن کمپنیک تینا تینا تعلقدار علاقہ غاتے ٹی بجلی نا دستیابی ، فراوانی و سسٹم نا ممکنہ خرابی و اودے مرکروک آ گام گیج آتا بابت سرجم آک اوار مریرہ۔ نیپرا وزارت بجلی ءِ ہم پارت کرینے کہ صارف آتے تیرمہ ٹی ریلیف تننگ کن ڈسٹری بیوشن کمپنی تے تینا تینا علاقہ غاتے ٹی بجلی نا فراوانی نا بابت جامع پروگرام اس تیار کننگ کن پرمان جاری کننگے تانکہ خلقت ءِ بجلی نا بلاتعطل فراوانی ءِ المی جوڑ کننگ مرے۔
