اسلام آباد۔ 04اپریل (اے پی پی) بلوچستان اٹی دیکی روٹ انا ژوب کچلاک سیکشن آ 65ارب، مکران ءِ قومی گریڈ اتون گنڈنگ انگ کن 17 ارب روپئی آن زیات خڑچ آن ٹرانسمیشن لین اس تالان کننگک۔ سی پیک سیکرٹریٹ نا رداٹ وزیراعظم عمران خان گوادر نا ساڑی آ دورہ ٹی کیہی بھلا ڈٹ آتا بنداو ءِ تخا ہرافتے ٹی 65ارب روپئی نا خڑ چ انا دیکی روٹ ژوب کچلاک سیکشن ، 23ارب روپئی خڑچ انا گوادر انٹرنیشنل ایئر پورٹ، ہسپتال و ووکیشنل انسٹیٹیوٹ اوار ءُ۔ داڈٹ آتا پوروی آن ہندی خلقت نا زند انا آب گچین مریک و ملک انا ایلو شون ہلوک آعلاقہ غاتون بریبری نا کہول آ اتنگ اٹ ہم کمک رسینگک۔ ہندی خلقت ءِ کسبکار کننگ کن تکنیکی علم انا وارخواہی فراوان کننگ انگ ءِ ۔ گوادر نا ورناتے پوسکن آ علم آن فائدہ ترسا روایتی کسب، دُن کہ ماہی گیری ءِ ہم پوسکن آ وڑوڈول آتیا اتنگ انگ ءِ۔
