صدر مملکت ڈاکٹر عارف علوی ءِ ٹی بی چہ پاک پاکستان ءِ باروا راجی سیمینار ءَ گوں تران

اسلام آباد ۔ 3 اپریل (اے پی پی)صدر مملکت ڈاکٹر عارف علویءَ گوشت کہ جان سلامتی،تعلیم ءُُ گریبی ءِ ھلاسی حکومت ءِ اولی دلگوشی انت،زوت نوکیں پاکستان ءَ چہ دپ دق (ٹی بی) ءِ سرجمیںھلاسی کنگ بیت۔اے ھیالانی درشان آہان چار شمبے ءَ ٹی بی چہ پاک پاکستان ءِ باروا راجی سیمینار ءَ گوں گشتانک کنان ءَ کتگ ات،سیمینار ءِ تہ پنجاب ءُُ سندھ ءِ گورنرز،سفارتکارانی ھوار جان سلامتی ءِ زانتکاراں مزنیں کچ ءَ بہر زوری کتگ۔ صدر مملکت ءَ بنجاہی وزیر جان سلامتی عامر محمود کیانی ءِ جان سلامتی ءِ تک ءَ ہزمتان ساڑاتگ ءُُ گوشت کہ جان سلامتی ءِ وزیر ءَ ملک چہ ٹی بی ءِ ھلاسی ءِ ھاترا پُرجزم انت،آہاں گوشت کہ صحت کارڈ ءِ اجراء ھم گریبی ءِ ھلاسی ءِ تہ کمکار پدر بیت۔ صدر ءَ گوشت کہ معیشت گہتر بیت تو علاج ءِ ھاترا گیش وسیلگ ساڑی بنت۔آہاں گوشت کہ صوبگ ھم جان سلامتی ءِ معاملہ ءِ سرا ھاسیں دلگوشی دیئگ انت۔آہاں یات داتگ کہ حاکمی ءِ تہ آھگ ءِ پدا مزن وزیر عمران خان ءِ اولی منصوبگ ھم جان سلامتی ءِ ھوالہ ات۔آہاں گوشت کہ مزن وزیر عمران خان ءَ راج چہ وتی گوشتانک ءِ تہ ھم جان سلامتی ءِ تک ءَ را وتی دلگوشی قرار داتگ۔ صدر ڈاکٹر عارف علویءَ صحت عامہ ءِ باروا سرپدی ودی کنگ ءِ ھاترا میڈیا ءِ کرد ءَ را دیما آرگ ءُُ نادراہی ءَ چہ رکھگ ءِ ھوالہءَ اُلس ءِ تہ سرپدی ءِ بیداری ءِ تہ میڈیا ءِ ھاسیں کرد انت۔ ایشی ءَ چہ پیسرءَ مراگش ءَ گوں تران کنان ءَ بنجاہی وزیر جان سلامتی عامر محمود کیانی ءَ گوشت کہ حکومت پاکستان ءَ را اے گپے ر انت کہ یک ہنر مندءِ افرادی قوت ءِ ھاترا آباتی ءِ جان دراھ بوھگ الم انت،مہ اے وھد ءَ ٹی بی ءِ سرا گرودار ءِ سرا دلگوشی ایرکتگ انت ہمہ کہ پاکستان ءِ تہ درستاں چہ گیش ھرابیں نادراہی پدر بوھگ انت، نیشنل سٹرٹیجک پلان 2017-20ءِ تہ دلگوشیانی پجار کنگ بوتگ ایشی ءِ تہ ٹی بی ءِ ھلاسی ءِ حکمت عملی ھوار انت،اے اسٹرٹیجی ءِ تہ 2030ءِ تاں ٹی بی چہ پاک پاکستانءِ ھاترا تصوردیگ بوتگ،جان سلامتی ءِ وزیر عامر محمود کیانی ءَ گوشت کہ آں ٹی بی ءَ چہ پاک پاکستان ءِ مقدس مشن ءِ ھاترا صدر مملکت ڈاکٹر عارف علوی ءَ را ھاسیں سیمینار ءِ مہمانداری ءِ سرا ستا پیش کتگ۔آہاں گوشت کہ حکومت ٹی بی ءِ ھلاسی ءِ ھاترا جزم دار انت ءُُ مہ انشاء اللہ پاکستان ءَ را ٹی بی فری ملک جوڈ کنیں۔جان سلامتی ءِ وزیر ءَ گوشت کہ اسلام آباد ءِ تہ ٹی بی ءِ علاج ءِ ھاترا یک ماڈل سنٹر جوڈ کنگ بوتگ انت وھدیکہ اسلام آباد ءِ کچی آباتی ءِ تہ ٹی بی سکریننگ ءُُ ٹیسٹنگ کنگ بوھگ انت ءُُ مپت علاج معالجہ کنگ بوھگ انت۔(ن۔ا۔ج)