اسلام آباد ۔ 3 اپریل (اے پی پی) بنجاہی وزیر جان سلامتی عامر محمود کیانی ءَ گوشت کہ حکومت پاکستان ءَ را اے چیز ءِ ادراک انت کہ یک ہنر مندیں افرادی قوت ءِ ھاترا آباتی ءِ جان دراھ بوھگ الم انت،مہ اے وھد ءَ ٹی بی ءِ گرودار ءِ ھاترا فکر مند انت کہ اے پاکستان ءِ تہ درستاں چہ گیش ھرابیں نادراھی پدر بوھگ انت، نیشنل سٹریٹیجک پلان 2017-20ءِ تہ دلگوشی ءِ پجار کنگ بوتگ ات ایشی ءِ تہ ٹی بی ءِ ھلاسی ءِ حکمت عملی ھوار انت۔اے سٹریٹیجی ءِ تہ 2030ء تاں ٹی بی چہ پاک پاکستان ءِ تصور دیگ بوتگ ،آں ادا چار شمبے ءَ ٹی بی ءِ گرودار ءِ موضوع ءِ سرا راجی سیمینار ءَ گوں تران کنگ ات،سیمینار چہ صدر پاکستان عارف علوی،پنجاب ءُُ سندھ ءِ گورنرز،سفارتکارانی ھوار زانتکاراں مزنیں کچ ءَ بھر زوراتگ۔جان سلامتی ءِ وزیر عامر محمود کیانی ءَ وتی گشتانک ءِ تہ گوشت کہ آں ٹی بی ءَ چہ پاک پاکستان ءِ مقدس مشنءِ ھاترا صدر مملکت ڈاکٹر عارف علوی ءَ راھاسیں سیمینار ءِ مہمانداری ءِ سرا ستا پیش کتگ۔(ن۔ا۔ج)
