تعلیم نا بشخ حکومت نا اولیت آتے ٹی اوار، بڑزکو تعلیمی ادارہ غاتے دا چرجوئی ٹی فعال کڑد اس ادا کروئی مریک
اسلام آباد۔ 03اپریل (اے پی پی) صدر مملکت ڈاکٹر عارف علوی پارینے کہ تعلیم نا بشخ حکومت نا اولیت آتے ٹی اوار ءِ ، بڑزکو تعلیمی ادارہ غاتے دا چرجوئی ٹی فعال کڑد اس ادا کروئی مریک۔ اوداہیت ءِ چارشنبے نادے آ کامسیٹ یونیورسٹی نا سینٹ نا دیوان نا کماشی ءِ کرسا پارے۔ صدر مملکت پارے کہ ادارہ نا کارکڑدگی ءِ گچین کننگ یونیورسٹی سینٹ نا زمواری ءِ، سینٹ نا باسک آتے یونیورسٹی ءِ پین شونداری تننگ کن گچین فیصلہ سازی کروئی مریک۔ صدر پارے کہ کانود نا رداٹ یونیورسٹی سینٹ نا باقاعدگی اتون دیوان بایدے اڈ تننگے۔
