وزیراعظم نا کنڈآن ہم ورندی ٹی مابت نا درشانی ئِ کننگا
ملتان۔ 24جنوری (اے پی پی) وزیراعظم محمد نواز شریف نا میٹرو بس ملتان نا بناءکننگ نا وخت آ پرجوش کارندہ غاتا کنڈآن مابت نا درشانی ، نواز شریف نا کنڈآن ہم ورندی ٹی پیار انا درشانی کننگا۔ سے شنبے آملتان اٹی میٹروبس ڈٹ انا بناءکننگ نا وخت آ وزیراعظم نواز شریف نا تران اٹی اسہ کارندہ اس تینا نشست آ سلسا نواز شریف زندہ باد نا نعرہ خلک تو وزیراعظم اونا منت واری ئِ اداکرسا اودے تینا نشست آ تولنگ نا پارے تو کارندہ غاک اسہ توار اتون پاریر کہ میاں صاحب آئی لویو۔ ہراڑآ وزیراعظم پارے کہ کنا ہم نم کن ہندا جوزہ غاک ئُ ، ای ہم نم تون پیار کیوہ۔ نما دا لوز ئِ پاننگ نا بھاز بھاز منت وار۔ اللہ نمے سلامت کے و دا مابت ئِ برقرار تخے۔
