اسلام آباد۔ 03اپریل (اے پی پی) بنجائی وزیر ڈٹ بندی شونداری و اصلاحات مخدوم خسرو بختیار پارینے کہ ساڑی حکومت ملک اٹی ٹرانسپورٹ و مواصلات نا بشخ انا گچینی کن اولیتی بنداو تیا گام گیج کننگ ءِ ، سی پیک نا رداٹ بروک آ منہ سال اٹی پاکستان نا 80 درسد آبادی جہانی آب انا پوسکن انگا، ترند رفتار موٹروے تون گنڈنگک و کراچی ، گوادر، کوئٹہ ، لاہور ، ملتان ، ڈیرہ اسماعیل خان ، اسلام آباد ، کشمیر ، پشاور ، ایبٹ آباد، گلگت، قطبی علاقہ غاتون اوار ملک انا بھلا شار تا موٹروے تون گنڈنگ انگ آن روزگار نا پوسکن ءُ وارخواہی ودی مریک۔ دیوان اٹی وزارت مواصلات نا کنڈآن اِرا ڈٹ پیش کننگا ہراٹی اولیکو ڈٹ N-50 کچلاک ژوب سیکشن ءِ 2رویہ کننگ کن ڈغار نا دوئی کننگ کن 11342.0 ملین روپئی نا خڑچ انا ڈٹ ءِ پیش کرے ہرادے دیوان گڈیکو منظوری کن ایکنک آ گدریفے۔ وزارت مواصلات نا ارٹ میکو ڈٹ N-50 کچلاک ژوب سیکشن ءِ 2رویہ کننگ و جوڑ کننگ کن 67638.46ملین روپئی نا خڑچ انا ڈٹ پیش کرے ہرادے دیوان حتمی منظوری کن ایکنک آ گدریفے۔ خسرو بختیار پارے کہ تدوک آ حکومت دیکی روٹ انا جوڑ جاڑ آ ہچ ءُ چکار اس کتو وخت اس کہ ساڑی حکومت دانا جوڑ کننگ کن پرعزم ءِ۔
