اسلام آباد۔ 03اپریل (اے پی پی) چین پاکستان اقتصادی راہداری ڈٹ(سی پیک) روزگارنا لکھ آ وارخواہی ودی کرینے،وخت اس کہ ڈٹ انا پوروی آن نیزگاری نا کچ اٹی نمان کمتی اتنگ مریک۔ سی پیک نا رداٹ جوڑ کروک آ ملتان سکھر موٹروے آن 23ہزار بندغ آتا روزگار گنڈوک ءِ۔ سی پیک سیکرٹریٹ نا کمامدارآک پارینو کہ سی پیک ڈیہہ نا اسیجا شونداری و شونہالی نا ضامن ءِ و پاکستان آخبت اٹ سی پیک ڈٹ انا پوروی آن پد تینا جغرافیائی محل و وقوع نا سوب یورپ و ایشیائی ملک آتا نیام اٹ پول انا کڑد ءِ ادا کیک ہراڑان ڈیہہ نا واپار، اقتصادی و راجی رابطہ غاتا ودکی ٹی کمک رسینگک۔ اوپارے کہ معاشی وڑاٹ سوگو پاکستان ہی دہشت گردی و انتہاپسندی ءِ باتننگ کیک ہراڑان ڈیہہ نا علاقائی امن و سوگوی و شونداری و شونہالی ءِ المی جوڑ کننگ کیک۔
