مزن وزیر عمران خان ءَ چاگردی رکھینگ ءُُ گریبی ءِ گر ءُُ دار ءِ ڈویژن ءِ سروکی ڈاکٹر ثانیہ نشتر ءَ را دات، چوہدری فواد حسین

اسلام آباد ۔ 2 اپریل (اے پی پی) پاکستان ءِ راجدپتر ءَ اولی بر گریبی ءِ ھلاسی ءِ واستہ جوڑ بوتگیں چاگردی رکھینگی ڈویژن ءِ سروکی ءَ ڈاکٹر ثانیہ نشتر ءَ را دات۔ بے نظیر انکم سپورٹ پروگرام، انصاف ہیلتھ کارڈ، پاکستان بیت المال ءُُ محکمہ ذکوۃ عشر ءَ ھوار گرینی ءِ ھلاسی ءِ واستہ کار کنوکیں ادارگ اے نوکیں ڈویژن ءِ چیر دستی ءَ بنت۔ بنجاھی وزیر اھوالکاری ءُُ شنگ کاری چوہدری فواد حسین ءَ بنجاھی کابینہ ءِ دیوان ءَ پد میڈیا ءَ را بریفنگ دیان ءَ گوشت کہ مزن وزیر عمران خان ءَ چاگردی رکھینگ ءُُ گریبی گر ءُُ داری ڈویژن ءِ سروکی ءَ ڈاکٹر ثانیہ نشتر ءَ را دات۔