بنجاھی کابینہ ءَ انوگ ءَ تاں 33دیوان آنی تہ ءَ 607پیسلہ کتگ، 375پیسلہ آنی سر ءَ سرجم ءَ کار بند بیت، بنجاھی وزیر اھوالکاری چوہدری فواد حسین

اسلام آباد ۔ 2 اپریل (اے پی پی) بنجاھی وزیر اھوالکاری ءُُ شنگ کاری چوہدری فواد ھسین ءَ گوشت کہ پاکستان تحریکہ ءِ انصاف ءِ حکومت ءِ آیگ ءَ بگر تاں انوگ ءَ تاں بنجاھی کابینہ ءِ 33دیوان آنی تہ ءَ السی گہبود ءُُ ایندگر کار آنی 45ڈویژن ءُُ ادارگ آنی بابت ءَ 607پیسلہ بوتگ، پیسریگیں حکومت ھمے وھد ءُُ پاس ءِ ساھت ءَ ایوک ءَ 9دیوان بوتگ ءُُ ایشی ءِ تہ ءَ پیسلہ 60کنگ بوتگ۔ سئے شمبے ءَ بنجاھی کابینہ ءِ دیونا ءَ پد میڈیا ءَ را بریفنگ دیان ءَ بنجاھی وزیر اھوالکاری ءُُ شنگ کاری چوہدری فواد حسین ءَ گوشت کہ ھما انت کہ پاکستان تحریک انصاف ءِ حکومت جوڑ بوتگ بنجاھی کابینہ ءِ دیوان ھمک ھپتگ ءَ بوھگ ءَ انت، ھما انت کہ جوڑ بوتگ انوگ ءَ تاں بنجاھی کابینہ ءِ 33دیوان بوتگ ایشانی تہ ءَ 607پیسلہ کنگ بوتگ، اے پیسلہ آنی تہ ءَ 375پیسلہ آنی سر ءَ سرجمیں کار بند بوھگ ءَ انت وھدیکہ ایندگر رند ءُُ پند ءِ سیم سر ءَ سر اَنت، ڈن ملک آنی گوما منوگری آںی بابت ءَ ایوک ءَ 18پیسلہ اے رنگ اَنت کہ آ ریڈ لائن کراس (کابینہ ءِ پیسلہ ءَ چہ پد 90روچ گوزگ ءَ پد ھم پد ءُُ رند کنگ نہ بوتگ) کتگ۔