اسلام آباد ۔ 2 اپریل (اے پی پی) صدر مملکت ڈاکٹر عارف علوی ءَ گوشت کہ استیں حکومت ءَ پاکستان ءِ چاگردی ءُُ اقتصادی دیمروئی ءِ واسگتہ الس ءَ را وتی بن گپ جوڑ کتگ ایش مئے درئی پالیشی آنی درور اَنت، پراھ ءُُ شاھیگانیں چاگردی ءُُ کار آنی موہ ءُُ مراد مھکمیں دیمروئی انت ایشی ءَ چہ ورنا آنی واستی روزگار ءِ پراھ ءُُ شاھیگانیں موہ پیداک بیت۔ آئی ءَ اے گپ امریکہ ءِ کانل یونیورسٹی ءِ ڈل ءَ گوں تران کنان ءَ کت آواں سئے شمبےءَ ایوان ءِ صدر ءَ آئی ءَ گوں گند ءُُ نند کت۔ صدر ءَ اے گپ ءَ سہرا کت کہ مئے پڑ راجدپتری رنگ ءَ تجارتی رد ءَ ارزشتی ءِ واھگ دار انت ءُُ پاک ۔ چین اقتصادی راہدارتی ءِ گوما اے دمگی تجارت ءِ واستہ بے دروریں ازم دار ایت ایش اقتصادی دیمروئی ءِ کلیت سہرا بیت۔ صدر ءَ گوشت کہ حکومت اوپن ڈور پالیشی ءِ سر ءَ کار ءَ انت ءُُ ایشی ءَ سیل ءُُ سوادی مردم ءُُ کاروباری مردم آناں پاکستان ءَ وش اتک کنگ ءِ واستہ آسانیں ویزہ ءِ نظام ءَ سہرا کتگ۔ آئی ءَ گوشت کہ پاکستان ءَ کشمیر ءَ استیں پلوامہ ارش ءَ چہ بھارت ءِ نہ وشیں رویہ ءِ رد ءَ ڈسپلین ءِ درشان کتگ۔ اے رد ءَ آئی ءَ امریکہ ءِ سر ءَ زور دات کہ آ بھارت ءَ را پاکستان ءِ ایمنی ءِ رویہ ءِ ھمے رنگ ءَ پسو دیگ ءَ وتی نیمگ ءَ دلگوش کنگ ءِ واستہ وتی کرد ءَ پیلو بکنت۔ صدر مملکت ءَ امیت سہرا کہ ڈل ءَ اے رنگیں تر ءُُ تاب پاکستان ءِ دود ءُُ ربیدگ ، الس چاگرد ءُُ ادارگ آنی بابت ءَ یک شل ءَ سرپدی پجاری ءَ کمکار سہرا بنت انت۔
