اسلام آباد۔ 02اپریل (اے پی پی) بنجائی وزیر اطلاعات و نشریات چوہدری فواد حسین اومیت ظاہر کرینے کہ نواز شریف ءِ جیل آن اُراغا ہِننگ آن پد ذہنی تناؤ ٹی کمتی و خوشگوار چاگڑد اس دوبریک، نواز شریف داسہ خوشگوار چاگڑد اٹی ملک انا پلوک آ دولت ءِ پدی تننگ نا ہم سجفے، زوت یا ہرے پلوک آ دولت ءِ پدی تروئی مریک۔ سے شنبے نادے آ نجی ٹی وی تون گپ و تران کرسا بنجائی وزیر اطلاعات چوہدری فواد حسین پارے کہ نواز شریف ءِ جیل آن یلہ کننگ ءِ اسہ ہفتہ اس مس ولے اونا داسکان ہچءُ ہسپتال اسے ٹی داخل مننگ نا خبر بتنے، اومیت ءِ کہ او جوان مروئے۔ اوپارے کہ مریم بی بی نا ٹویٹ ہم بند مسنے، ہردے ناجوڑی آن اپ ڈیٹ تخوک آ مریم نواز بھلو دے اس مس ٹویٹ کتنے۔ اوپارے کہ سجفنگ اُٹ کہ نواز شریف ءِ چھٹی اس نوشتہ کیو، وزیراطلاعات پارے کہ چھٹی ٹی نواز شریف آن اونا طب انا ہریفنگ خواوہ ۔
