اسلام آباد۔ 02اپریل (اے پی پی) وزیراعظم عمران خان باوری کرفینے کہ آٹزم نا گواچی بندغ آتا شرحالی کن حکمت عملی اس اتنگک و اوفتے تینا لائخی تے کاریم اٹ اتنگ کن پبی موقع تننگک۔ سے شنبے نادے آ تینا اسہ ٹویٹ اسے ٹی اوپارے کہ آٹزم آن آگاہی نا جہانی دے انا وخت آ اینو دنیا نئے بیرہ آٹزم ءِ درست کننگ ءِ بلکن داٹی اختہ بندغ آتا لائخی تے امنا ہم کننگ انگ ءِ ۔ وزیراعظم لمہ و باوہ و استاد آتے باوری کرفینے کہ آٹزم نا گواچی بندغ آتا شرحالی کن حکمت عملی اس اتینہ و اوفتے تینا لائخی تے کاریم اٹ اتنگ نا موقع اس ایتنہ۔ یات سلے کہ اقوام متحدہ نا جنرل اسمبلی نا 18 دسمبر 2007 ء آ اختیار کروک قرارداد نا رداٹ آٹزم آن آگاہی نا جہانی دے ءِ ہرسال 2اپریل آ اڈتننگک ہرانا کمک اٹ اقوام متحدہ نا باسک ریاست آتے مچ آ دنیا ٹی آٹزم اٹی اختہ بندغ آتا بارواٹ آگاہی ودی کننگ کن گام گیج چست کننگ نا است بڈی ءِ کننگک۔
