اسلام آباد۔ 02اپریل (اے پی پی) بنجائی وزیر اطلاعات و نشریات چوہدری فواد حسین آرٹ، کلچر و فیشن نا بشخ آتا شونداری و مون آ دننگ کن ٹاسک فورس اسے نا جوڑ کننگ نا منظوری ءِ تسنے، ٹاسک فورس فنون لطیفہ، دودوربیدگ و فیشن نا سرحال آتیا سلابت کیک۔ وزیر اطلاعات و نشریات چوہدری فواد حسین پارے کہ ٹاسک فورس اٹی اوار باسک آک دا بشخ آتے ٹی شونداری آن تعلقدار معاملہ غاتا جاچ ءِ ہلیرہ۔ اوپارے کہ سلابت اٹی دا بشخ انا گچینی و مون آ دننگ کن عمل نا قابل سلاہ مرتب کننگک۔ اوپارے کہ ٹاسک فورس انا باسک آک بے معاوضہ اعزازی وڑاٹ تینا خذمت ءِ سرانجام ایترہ، ٹاسک فورس دا بشخ آتے ٹی کسبی لائخی تخوک پنی آ شخصیت آتیا تالان ءِ۔
