دمدستی انصاف نا فراوانی نا گام گیج آتیان پدسلوک آ تپہ و علاقہ غاتے شونداری نا بنجائی دنگ اٹ اتنگ مریک
اسلام آباد۔ 02اپریل (اے پی پی) چیئرمین سینیٹ محمد صادق سنجرانی پارینے کہ ملک اسے ٹی یا راج انا شونداری نا سیبو ہراڑے ایلو عوامل آتیا مریک ہموڑے اڑزان و دمدستی انصاف نا فراوانی بے کچ اہم ءِ دمدستی دادرسی آن راجی و اقتصادی شونداری نا تغ ءِ پورو کننگ مریک۔ چیئرمین سینیٹ داخیال آتا درشانی ءِ بنجائی محتسب سید طاہر شہباز تون اوڑدہی ٹی کرے۔ اوپارے کہ لس بندغ ویل آتا دمدستی ایسر ی ءِ خواہک ہراڑکن ریاستی ادارہ و حکومت ءِ پین گچین گام گیج کروئی مریک ، دمدستی انصاف نا فراوانی نا گام گیج آتیان ملک انا پدسلوک آ تپہ و علاقہ غاتے شونداری نا بنجائی دنگ اٹ اتنگ مریک۔ بنجائی محتسب چیئرمین سینیٹ ءِ سالانہ رپورٹ 2018ء ءِ ہم پیش کرے۔ چیئرمین سینیٹ بنجائی محتسب نا کنڈآن ویل آتا دمدستی ایسری کن کروک آ گام گیج آتا ستاءِ کرے وپارے کہ جہانی آزموندہ غاتیان فائدہ ہرفسا جدت پسندانہ حکمت عملی اس اختیار کرسا الس نا ویل آتے دمدستی ایسر کننگ کن گام گیج چست کننگے۔
