اسلام آباد۔یکم اپریل (اے پی پی) حزانگءِ بنجاہی وزیر اسد عمر ءَ گشتگ کہ آئی ایم ایف ءَ گوں منءُ گر ءِ ھاترءَ بازیں کارے بوتگ، دونیمگی مالی انتظام ءِ ردءَ سعودی عرب ءَ چہ 3ارب ، چین ءَ چہ 2.1ارب ءُ متحدہ عرب مارات ءَ چہ 2ارب ڈالر وصول کتگ۔ آ دوشمبے ءِ روچءَ اسٹیٹ بینک آ ف پاکستان ءِ نیمگءَ چہالیکٹرانک منی انسٹی ٹیوشنز ریگولیشنزءِ بندات ءِ مراگشءَ پد حال درءَ گوں گپءُ تران کتگ۔ آئیءَ گشتگ کہ گرا ن بہائی گیش بوتگ بلے ایشی ءَ چہ پیسر ہم 2008 ءُ 2013ءَ گران بہائی گیشتر بوتگ۔ کلدارءِ شرپ ءِ ہوالگءَ یک جستے ءِ پسوءَ اسد عمر ءَ گشتگ کہ دسمبر 2017ءَ رند آ وہدءِ حزانگءِ وزیر مفتاح اسماعیل ءُ مزن وزیر شاہد خاقان عباسی ءَ کلدار ءِ شر پءَ کمی من اِتگ بوتگ ءُ ہما دورءَ ڈالر ءِ شرپ 105ءَ چہ گیش بوتگ ءُ 127کلدار بوتگ۔ اسٹیٹ بینک ءَ انوگیں روچاں کلدارءِ شرپءَ را مھکم لیک اِتگ۔
