اسلام آباد31مارچ(اے پی پی ) پاک فضائیہ ءِ سروک ایئر چیف مارشل مجاہد انور خان نے ءَ یک شمبے ءِ روچ ءَ پی اے ایف کمپلیکس اسلام آباد ءَ پفوا ایجوکیشنل سسٹم (پرائمری اسکول) ءِ بنگیج کت۔ بیگم تزئین مجاہد ،صدر پاکستان ایئر فورس ویمن ایسوسی ایشن ءُُ پاک فضائیہ ءِ ٹوھیں اپسرگ آنی لوگ بانک ھمبراھ اتنت۔ اے موہ ءَ گوں گشتانک دیان ءَ ائیر چیف ءَ گوشت کہ حکومت پاکستان ءَ وانگ ءُُ زانگی ادارگ آنی تہ ءَ جوانیں زانشت ءِ ویژن ءِ رد ءَ پاک فضائیہ ءَ چاگرد ءَ وانگ ءُُ زانگ ءِ ارزشت ءِ سر ءَ ھاسیں دلگوشی داتگ۔ آئی ءَ گیش تران کت کہ بنیاتی تک ءَ جوانیں زانشت ءِ پجار ی زمانگ ءِ لوٹ انت۔ آئی ءَ گوشت کہ اے جوانیں منصوبگ ءِ کامیاتی ءِ واستہ پکو کت ءُُ اے گپ ءِ دل یکیمی دات کہ پاک فضائیہ چاگرد ءِ ھمک تک ءَ زھگ آناں نوکیں زمانگ ءِ زانشتی آسراتی پجارینگ ءِ وسیلگ ءَ دیمروئی ءَ وتی کرد پیلو کنت انت۔ ایشی ءَ پد ائیر چیف ءَ اسکول ءِ جتا جتائیں بھر آنی تر ءُُ تاب کت آھودا آئی ءَ زانشتی وڑ ءُُ پیم آنی سر ءَ ھاسیں دلگوشی دیگ بوت۔ پفوا ایجوکیشنل سسٹم (پرائمری اسکول) ، پاکستان ائیر فورس ویمن ایسوسی ایشن ءِ چیر دستی ءَ اے انچیں منصوبگ ات کہ پاک فضائیہ ءِ اسکولز ءُُ کالج آنی استیں نظام ءَ را گیش گہتر کنگ ءَ وتی کرد ءَ پیول کنت انت۔ اے نوکیں وانگ ءُُ زانگی نظام پاک فضائیہ ءَ جوانیں زانشت ءِ پجاری ءَ ھوار پرائمری تک ءَ زھگ ودوکیں زانشتی لوٹ ءُُ جیڈھ آنی گر ءُُ دار ءِ واستہ کمکار سہرا بیت۔ اے نظام ءِ بنیاتی مول ءُُ مراد مئے آیوکیں باھند آناں انچیں جوانیں زانشت ءِ پجاری کنگ انت ، ایش کہ آواناں جوانیں سسا ءُُ وت مستری ءِ تہ ءَ تیلانک دنت۔
