اسلام آباد۔ 01اپریل (اے پی پی) رائل عمان فضائیہ نا کمانڈر ، ایئر وائس مارشل متار علی متار العبیدنی دوشنبے نادے آ ایئر ہیڈ کوارٹرز اسلام آباد نا دورہ ءِ کرے۔ اونا ایئر ہیڈ کوارٹرز آ بننگ آ پاک فضائیہ نا اسہ چاق و چوبند دستہ اودے سلامی پیش کرے۔ کمانڈر رائل عمان فضائیہ پاک فضائیہ نا شہید آتے خراج عقیدت پیش کننگ کن یات گار شہید آتیا پھل آتا چادراس شاغا۔اوکان پد کمانڈر رائل عمان فضائیہ پاک فضائیہ نا سروک ایئر چیف مارشل مجاہد انور خان تون اونا آفس اٹی اوڑدہی کرے۔ اوڑدہی ٹی تین پہ تینی کسبی معاملہ غاتیان بیدس علاقائی امن و سوگوی نا حالیت آتیا گپ و تران کننگا۔ کمانڈر رائل امان فضائیہ پاک فضائیہ نا کسبی چاہنداری تا ستاءِ کرے و ساڑی آ سال تیٹی پاک فضائیہ نا دوئی کروک سرسہبی تا ستاءِ کرے۔ پاک فضائیہ نا سروک رائل عمان فضائیہ ءِ ایوی ایشن نا بشخ و فوجی تربیت اٹی پبی مدت و کمک نا پیشکش کرے۔ ہڑتوم آ شرفمند آ شخصیت آک ہڑتوم آ ملک آتے ٹی ساڑی ہڑتوم آ کنڈآتا دفاعی کمکاری ءِ پین مون آ دننگ آ امنا کریر۔
