اسلام آباد۔ 01اپریل (اے پی پی) بنجائی وزیر جان جوڑی عامر محمود کیانی پارینے کہ معذور بندغ آتا بحالی و اوفتے جان جوڑی نا آسراتی تننگ نا بارواٹی پاکستان نا وژن شون پسند و بھاز جوان ءِ، پاکستان جسمانی وڑاٹ معذور بندغ آتے کمکاری ازباب آتا فراوانی نا چرجوئی ٹی جہانی کہول آ نمان کڑد ادا کرینے، معذور بندغ آتے راج انا فائدہ تروک ءُ بشخ اس جوڑ کننگ کن پدریسہ پٹ وپول المی ءِ۔ داخیال آتا درشانی ءِ اودوشنبے نادے آ متحدہ عرب امارات نا سفارت خانہ نا کنڈآن خصوصی بندغ آتے کن اڈ ہلوک آ سمپوزیم آن تران کرسا کرے۔ اوپارے کہ پاکستان نا معذور بندغ آتا بحالی و اوفتے جان جوڑی نا آسراتی تننگ نا بارواٹی وژن شون پسند و بھاز مثبت ءِ۔ بنجائی وزیر جان جوڑی عامر محمود کیانی پارے کہ پاکستان جسمانی وڑاٹ معذور بندغ آتے کمکاری ازباب آتا فراوانی نا چرجوئی ٹی جہانی کہول آ نمان کڑد ادا کرینے۔ اوپارے کہ معذور بندغ آتے راج انا فائدہ تروک ءُ بشخ اس جوڑ کننگ کن پدریسہ پٹ وپول المی ءِ۔ حکومت وزیراعظم عمران خان نا مدبرانہ سرکڑدہ ہی ٹی معذور آتا حالیت اٹی گچینی اتنگ اٹ تینا کڑد ءِ برجاتخک۔ اوپارے کہ حکومت تینا زمواری تیا ن جوان وڑاٹ آگاہ ءِ و دانوبل کاز اکن غٹ ممکن کوشست آتے کننگ ءِ۔ اوپارے کہ انسان اسہ وڑاٹ اہم ترین و قابل قدر ءِ ہنداخاطران ہروڑنا معذوری یا نزوری تخوک آ انسان تے پدی ہلنگ مفک۔ اوپارے کہ معذور بندغ آتا بحالی کن کمکاری ٹیکنالوجی اسکان آسان رسینگ و دادے مون آ دننگ وخت انا خواست ءِ۔ راج انا شونداری و شونہالی کن المی ءِ کہ غٹ ءِ اسہ وڑ و بریبر وارخواہی تننگے۔ اوپارے کہ خصوصی بندغ آتے ہموغٹ حق آتے تننگے ہرافتیان او عزت دار ءُ زند اس تیر کننگ کیر۔
