اسلام آباد۔ 01اپریل (اے پی پی) چیئرمین سینیٹ محمد صادق سنجرانی وزیراعلیٰ پنجاب عثمان بزدار نا باوہ سردار فتح محمد بزدار نا کزیت آ ڈکھ و است ہسونی نا درشانی ءِ کرینے۔ دوشنبے نادے آ اسہ ہڑزخواہی کلہو اسے ٹی چیئرمین سینیٹ محمد صادق سنجرانی پارے کہ ایماندار نا ملک اکن سیاسی و راجی خذمت آک ستاکڑزرہ۔ اوپارے کہ ایماندار سردار فتح محمد بزدار نا کزیت آن ملک اسہ اہم ءُ سیاسی راہشون اسے آن محروم مسنے، چیئرمین سینیٹ وزیراعلیٰ پنجاب و ایماندار نا ایلو خاہوت تون ہڑزخواہی کرسا اللہ تعالیٰ تعالیٰ آن دعا کرے کہ ایماندار ءِ جنت الفردوس اٹی جاگہ ایتے و غمزدہ خاہوت ءِ دا صدمہ ءِ برداشت کننگ نا توفیق ایتے۔ ڈپٹی چیئرمین سینیٹ سینیٹر سلیم مانڈوی والا ، قائد ایوان سینیٹ سینیٹر شبلی فراز، قائد حزب اختلاف سینیٹ سینیٹر راجہ محمد ظفرالحق ئسک ہم فتح محمد بزدار نا کزیت آ ڈکھ و است ہسونی نا درشانی ءِ کرسا غمزدہ خاہوت تون ہڑزخواہی کریر۔ اواللہ تعالیٰ آن ایماندار نا درجہ غاتا بڑزی کن دعاہم کریر۔
