لاہور۔30مارچ(اے پی پی ) مزن وزیر عمران خان ءَ گوشت کہ ریلوے ءِ مین لائن ون ءِ سرجمی ءَ چہ معاشی آشوب کئیت، ملک ءَ ریل ءِ جال چیرگیجگ ءِ واستہ چین ءَ چہ کمک زوراں، وتی سر ڈگار ءَ ٹورازم ءِ دیمروئی ءِ واستہ ٹرین آناں ڈویلپ کنگ بیت، چین ءِ تر ءُُ تاب ءِ موہ ءَ ایم ایل ون ءَ ھوار ٹرین ٹیکنالوجی ءِ سرءَ گپ ءُُ تران بیت، وزارت ءِ پٹرولیم ءَ را پنت ءُُ شون کنان ءَ تیل ءِ ٹرانسپورٹیشن ءِ واستہ فریٹ ٹرین آنی کارمردی ءَ بکن اَنت۔ آ شمبے ءِ روچ ءَ لاہور ریلوے اسٹیشن ءِ سر ءَ نان سٹاپ وی آئی پی ٹرین جناح ایکسپریس ءِ بنگیجی مراگش ءَ گوں گشتانک دیان ءَ کت۔ اے موہ ءِ سر ءَ گورنر پنجاب چوہدری محمد سرور ‘ سر وزیر پنجاپ عثمان بزدار’ وزیر ریلوے شیخ رشید احمد‘ مزن وزیر ءِ مشیر نعیم الحق ءَ ھوار قومی ءُُ صوبائی اسمبلی ءِ باسک ھم ساڑی اتنت۔ مزن وزیر ءَ گوشت کہ ریلوے ءِ سپر لس مردم ءِ واسرتہ گہتر کنان ءَ سڑک آنی سر ءَ ٹریفک ءِ گیشی ءَ را کم کنگ بیت کنت، ایشی ءِ واستہ ریلوے ٹریک آناں گیش ودینگ بیت۔ آئی ءَ گوشت کہ کراچی ءَ چہ پشاور ءَ تاں ایم ایل ون ءَ چہ ملک ءَ را معاشی رد ءَ سیت رسیت ءُُ ریلوے وام کم بیت کن انت، آئی ءَ گوشت کہ انگریز آں کہ ریل ءِ پٹڈی یل دات ءُُ شتاں ما ایشرا گیش کنگ ءِ مٹ ءَ 2ہزار کلومیٹر کم کت۔ آئی ءَ گوشت کہ ریل ءَ را یل لس مردم ءِ کارمرد کنت۔ مزن وزیر ءَ ریلوے ءِ دیمروئی ءِ واستہ کوشست آنی رد ءَ وزیر ءِ ریلوے ءَ را توسیپ ءُُ ستا پیش کت ءُُ وتی نیمگ ءَ سرجمیں کمک کنگ ءِ دل یکیمی دات۔ ایشی ءَ پد مزن وزیر ءَ جناح ایکسپریس ءِ ریک ءِ بنگیج کت۔
