لاہور۔30مارچ(اے پی پی ) بنجاھی وزیر ریل گاڑی شیخ رشید احمد ءَ گوشت کہ پسنجر سیکٹر ءَ 24 نوکیں ٹرین چلائینگ ءَ پد 40 ٹرین ءِ ٹارگٹ سرجم کنگ بجیت، فریٹ ٹرین آنی کساس ھم 20ءَ تاں بر آں، کراچی سرکلر ریلوے ءَ توامیں کمرشل پراپرٹی ساپ کنگ بوتگ، یک ماھے ءِ توک ءَ آئی پی ٹرین سر سید ایکسپریس ءَ را ھم ٹریک ءَ کار انت، آ شمبے ءِ روچ ءَ لاہور ریلوے اسٹیشن ءِ سر ءَ نان سٹاپ وی آئی پی ٹرین ’’جناح ایکسپریس’’ ءِ بنگیجی مراگش ءَ گوں گشتانک دیان اَت، مزن وزیر عمران کان ، گورنر پنجاب چوہدری محمد سرور، سر وزیر پنجاب عثمان بزدار، مز ن وزیر ءِ مشیر نعیم الحق ءَ ھوار قومی ءُُ صوبائی اسمبلی ءَ ھم مراگش ءَ بھر زوری کت ۔ بنجاھی وزیر شیخ رشید احمد ءَ گوشت کہ لاہور ریلوے اسٹیشن ءَ چہ ھمک روچ یک لکھ ءُُ پنجاھ ہزا ر ءَ بگر تاں دو لکھ مردم سفر کن اَنت بلے پیسریگیں سروک آں اے ریلوے اسٹیشن ءَ یک کلدار ءِ ھ م نہ جتگ، وتی سیت ءِ واستہ لس اسٹیشن آنی سر ءَ اربانی کلدار جتگ اَنت، ایشانی کیس نیب ءَ برگ لوٹ انت، بنجاھی وزیر ءَ گوشت کہ ریلوے ءَ نوکیں نظام ءِ چیر دستی ءَ 15لکھ لٹر ڈیزل بچارینتگ، اے وھدی ءَ ٹین آنی آکوپینس 100درسد ءَ چہ گیش اِنت، آئی ءَ گوشت کہ آئی ءَ مزن وزیر ءَ چہ لوٹ کتگ کہ پی ایس او ءَ را پنت ءُُ شون کنگ بہ بیت کہ آ تیل ٹرانسپورٹیشن ءِ واستہ فریٹ ٹرین آنی کارمردی ءَ بکنت، ایشی ءَ چہ مئے معاشی جاور ھال گہتر بیت، آئی ءَ گوشت کہ جناح ایکسپریس ٹرین قائداعظم ءِ نام ءِ سر ءَ بندات کتگ ایش 15کلاک ءَ لاہور ءَ تاں کراچی ءَ سر بیت ءُُ ایشی ءِ کرایہ چار کیٹیگریز ءَ بنت، یک کیٹیگری ءِ کرایہ 1350کلدار، دومی کیٹیگری ءِ تہ ءَ 3200کلدار، سیمی ءِ کیٹیگری ءَ 4500ءُُ چارمی کیٹیگری ءَ 6500کلدار بیت، گرین لائن ٹرین ءَ را ھم 15اپریل ءَ چہ ھمے کرایہ ءِ سر ءَ چلائینگ بیت، شیخ رشید احمد ءَ گوشت کہ گوستگیں مردم آں ریلوے ءَ کمیشن وارتگ، 85’85 کروڑ کلدار ءِ انجن زورگ بوتگ بلے ما کوچز آناں وت مرمت کنان ءَ 24ٹرین چلائینتگ، 75سال ءِ امردم ءِ بزرگ آناں دو ٹکٹ مپت ءُُ 65سال ءِ امبر ءِ مردم آناں نیم قیمت ءَ وھدیکہ سٹوڈنٹس آناں ھم 50درسد ءِ رعایت ءِ سر ءَ ٹکٹ دیگ ءَ آں، آئی ءَ گوشت کہ 4سٹیم سفاری انجن تیار کتگ ءُُ خیبر پختونخواہ ءِ ھوالگ ءَ کتگ تانکہ آھودا ٹورازم ءَ را دیمروئی بہ رسیت، بنجاھی وزیر ءَ گوشت کہ ریلوے ءَ 25ءَ چہ 30درسد مساپر آنی تہ ءَ گیشی بوتگ وھدیکہ فریٹ ءِ شوبگ ءَ ھم 30درسد گیشی بوتگ، گوستگیں چار ماھ آنی رد ءَ 4ارب کلدار گیش کمائینتگ ، آئی ءَ مزن وزیر ءَ چہ لوٹ کت کہ ریلوے ءِ کسانیں ملازم آناں یک گریڈ دیم ءَ ترکی دیگ بہ بیت تانکہ آ گیش کوشست ءِ گوما ریلوے ءِ ازمت ءَ کت بکن اَنت، بنجاھی وزیر ءَ امیت سہرا کت کہ مزن وزیر ءَ آیوکیں چار ماھ آنی توک ءَ چین ءِ تر ءُُ تاب راجدپتری سما بیت ایشی ءِ تہ ءَ ایم ایل ون ءِ سر ءَ تران بیت۔
