کراچی۔ 30 مارچ (اے پی پی) مزن وزیر عمران خان ءِ سروکی ءَ شمبے ءِ روچ ءَ کراچی ٹرانسفارمیشن کمیٹی ءِ دیوان ءَ برجم بوت ایشی ءِ تہ ءَ صوبہ سندھ ءُُ ھاسیں رنگ ءَ کراچی ءِ دیمروئی ءُُ جیڈھ آنی ھلاسی ءِ واستہ ارزشتی ایں پیسلہ کنگ بوت۔ دیوان ءَ مزن وزیر عمران خان ءَ گوشت کہ حکومت مردم آنی وش کنگ ءِ واستہ منصوبگ جوڑ کنگ ءَ انت بلکینگ ءَ ما جیڈھ آناں سرجمیں رنگ ءَ گیواری ءِ واستہ کوشست کنگ ءَ آں۔ دیوان ءَ مزن وزیر عمران خان ءَ گوشت کہ حکومت مردم آناں وشز کنگ ءِ واستہ منصوبگ جوڑ کنگ ءَ نہ انت بلکینگ ءَ ما کراچی ءِ جیڈھ آناں سرجمیں رنگ ءَ گیوار کنگ ءِ کوشست ءَ کنگ ءَ آں۔ آئی ءَ گوشت کہ گوستگیں 10سال آنی ساھت ءَ بنیاتی کوکا ءِ کمیگ ءِ سبب ءَ ایوک ءَ کراچی ءَ را تاوان نہ رستگ بلکینگ ءَ سرجمیں پاکستان ءَ را تاوان رستگ ءُُ کراچی ءَ بوھوکیں سرمایہ کاری دگہ جاھے شتگ۔ آئی ءَ گوشت کہ اے وھد ءَ حکومت ءِ واستہ مالی رنگ ءَ سک بازیں گرانیں ساھت اِت ، ملک ءَ ھواریں کچ ءَ 4.5کھرب کلدار ءِ ٹیکس یکجاھ بوتگ ایشانی تہ ءَ 2کھرب کلدار ءِ وام کست ءِ سر ءَ ادا کنگ بیت وھدیکہ صوبگ آناں 2.5کھرب کلدار روان دیگ بوتگ۔ آئی ءَ گوشت کہ مئے دیمپانی بجٹ 1700ارب کلدار اِنت ءُُ بنجاھی حکومت وتی مالی سال کساس 600ارب کلدار ءِ کمیگ بنگیج کنت۔ آئی ءَ گوشت کہ مئے این ایف سی ایوارڈ ءِ چیر دستی ءَ صوبگ آناں 2500ارب کلدار روان دیگ بوتگ ایشی ءِ تہ ءَ سنھ ءَ ھم ایشی ءِ بھر رسیت انت، کراچی بنیاتی رنگ ءَ سندھ حکوقمت ءِ زمہ واری انت بلے سندھ ءِ توک ءَ گیچن کاری کامیاتی ءَ در جنان ءَ حکومت جوڑ کنان ءَ کراچی ءِ وڑیں ءُُ ارزشتی ایں شہر ءَ را ڈلگچار کنگ بیت ایشی ءِ جاور ھال شمے دیم ءَ انت۔ مزن وزیر ءَ گوشت کہ کراچی ءِ دیمروئی ءِ واستہ بی او ٹی ءِ بنیات ءَ 162ارب کلدار ءِ منصوبگ تیار کنگ بوتگ ایشی ءِ تہ ءَ ھواریں رنگ ءَ 18دیمروئی منصوبگ ھوار اَنت۔ آئی ءَ گوشت کہ سول ایوی ایشن ءَ را پنت ءُُ شون کنگ بوتگ کہ آ ائیر پورٹ ءِ دمگ آں یل کنان ءَ بگش ایت کہ برزیں ماڑی کجا جوڑ بوت کنت تانکہ برزیں ماڑی جوڑ کان ءَ شہر ءِ پراھ ءُُ شاھیگانی ءَ را گر ءُُ دار کنگ بہ بیت۔ آئی ءَ گوشت کہ ما گورنر سندھ عمران اسماعیل ءَ گوں رابطہ ءِ تہءَ آں ءُُ ما کراچی ءِ منصوبگ ءِ سر ءَ کار ءَ را دل یکیمی کناں ءُُ اے بابت ءَ بنجاھی حکومت ھمک رنگ ءِ کمک ءَ تیار انت۔ آئی ءَ گ وشت کہ من ءُُ شاہ محمود قریشی ءَ تھر پارکر ءِ تر ءُُ تاب کتگ اے موہ ءِ سر ءَ جان سلامتی کارڈ ءِ بنگیج ھم کنگ بوتگ۔ عمران خان ءَ گوشت کہ یک ارب کلدار ءِ کساس ءَ تھر پارکر ءَ آر او پلانٹس جنگ بیت وھدیکہ دمگ ءَ دو ہسپتال ءُُ 4 ءُُ 4ایمبولینسز ھم پجاری کنگ بوھگ ءَ انت۔ آئی ءَ گیش تران کت کہ وشیں ساھتے ءَ یا 4اپریل ءَ حیدر آباد یونیورسٹی ءِ بنگیج کنگ بیت ایشی ءَ ھرچ ءُُ درچ ءَ را بنجاھی حکومت سگ ایت۔
