گھوٹکی ۔ 30 مارچ (اے پی پی) مزن وزیر عمران خان ءَ گوشت کہ راج گریب نہ بنت بلکینگ ءَ کرپشن راج ءُُ ملک ءَ را گریب کن اَنت، زرباری کوریا ءَ پاکستانی ماڈل ءِ سر ءَ کار کتگ ءُُ دیمروئی ءِ سیم سر آں سر بوتگ ، سندھ پاکستان ءِ درستاں چہ وشھال تریں صوبگ باید انت بوت انت، کراچی پاکستان ءِ معاشی دارالحکومت انت، درستاں چہ گیش گیس سندھ ءَ در کپ ایت، ادے زمین باز بے درور اَنت، چاول ، پُکی، شکر کانڑیل ، ءُُ مرچاں ھوار درست پیداک بیت کنت، درساں چہ گیش تریں آسراتیں ملک آناں دُزئی ءُُ ڈنگی ءَ وام دار کتگ ءُُ گریبی ءَ را گیش ودینتگ، گھوٹکی ءِ سندھ ءِ 70درسد گیس در کپ ایت ءُُ ادا گیس ءِ 250چات استے۔ اے ضلع درستاں چہ دیمتر باید انت بہ بیت ایش درستاں چہ پشت ءَ پشت کپتگ، وزارت ءِ ھزانگ ءَ ھوار گوستگیں 10سال آنی ساھت ءَ سندھ ءَ را گیس ءِ رائلٹی ءِ واستہ 234ارب کلدار رستگ، کرپشن ءِ سبب ءَ کمو مردم آسراتی آں دزگیر کناں ءُُ ءُُ ھرچ زرّ ءِ الس ءِ سر ءَ ھرچ بوھگ لوٹ ایت آ زرّ آں وتی کیسگ ءَ جن اَنت ءُُ منی لانڈرنگ ءِ وسیلگ ءَ ملک ءَ چہ ڈن ءَ روان دیاں۔ نوکیں پاکستان ءَ ھرچ دمگ ءَ سُھر، چاندی ، گیس یا ٹیل در کپ ایت گڈا درستاں چہ پیسر اے دمگ ءَ را سیت رسین آں۔ مزن وزیر عمران خان ءَ شمبے ءَ گھوٹکی ءَ السی مچی ءَ گوں گشتانک دیان ءَ کت آئی ءَ گوشت کہ دعوت دیگ ءِ پد ءَ سردار علی گوہر مہر ءِ شگر ءُُ منت وار آں۔
