اسلام آباد ۔ 30 مارچ (اے پی پی) ڈپٹی سپیکر قومی اسمبلی قاسم خان سوری ءَ گوشت کہ بلوچستان ءَ میگا دیمروئی منصوبگ آنی سر جمی ءَ چہ صوبگ ءِ پشمندگی ءِ ھلاسی ءُُ دیمروئی ءُُ وشھالی ءِ نوکیں باریگ بندات بیت، مزن وزیر عمران خان ءِ اے منصوبگ آنی پد ءَ شگر ءُُ منت وار آں۔ شمبے ءِ روچ ءَ ادا جاڑی بوھوکیں پریس ریلیز ءِ رد ءَ ڈپٹی سپیکر ءَ کوئٹہ ءَ چہ ژوب ءَ تاں ڈبل کیرج روڈ، گوادر ائیر پورٹ، بلوچستان ہیلتھ کمپلیکس ءُُ کارڈیک سنٹر ءِ بنگیج راجدپتری گام اَنت۔ آئی ءَ گوشت کہ منصوبگ آنی سرءَ چہ چہ صوبگ ءَ کاروباری چست ایر آنی تہءَ گیشی کئیت ، روزگار ءِ نوکیں موہ پیداک بیت، اسل ءَ را گہتریں طبی آسراتی ءِ پجاری بیت۔ آئی ءَ گوشت کہ گوادر ءَ چہ کوئٹہ ءُُ کوئٹہ ءَ چہ تفتان ءَ تاں ریلوے لائن چیر گیجگ، کراچی ءَ چہ گوادر ءَ تاں سیری سروس ءُُ ایندگر دیمروئی منصوبگ آنی بنگیج کنگ ءَ را ھم ساڑات۔ آئی ءَ گوشت کہ منصوبگ آنی بنگیج ءِ جار مزن وزیر ءِ صوبگ ءِ الس آں گوں جھلانکیں واھگداری ءِ درشان انت۔
