کراچی۔ 30 مارچ (اے پی پی) مزن وزیر عمران خان ءَ گوشت کہ ما پیسلہ کتگ کہ شہرآنی پراھ ءُُ شاھیگانی ءَ را گر ءُُ داری ءِ واستہ برزیں ماڑی جوڑ کنگی انت، پنچ سال آنی تہ ءَ 10ارب درچک جنگی انت، کراچی ءِ ھندی حکومت ءُُ سندھ حکومت ءِ گوما ھمگام باں ءُُ درچک کشاں، کوھنیں جنگل آں چہ مزنیں درچک گڈگ بوتگ اَنت ءُُ کبزھ کنگ بوتگ اَنت ما وتی آیوکیں باھند آناں لیب ءُُ گوازی ءِ پڑ بلکینگ ءَ ساپیں موسم ھم دیگی انت۔ اے ھیالانی درشانی آئی ءَ شمبے ءِ روچ ءَ ادا کراچی ءَ باغ ابن قاسم ءِ بنگیجی مراگش ءَ گوں گشتانکی ءِ ساھت ءَ کت عمران خان ءَ گوشت کہ کراچی ءِ وش رنگی ءَ را ما مُدام کم بوھگ ءَ دیستگ، وھد ءِ ما سبز رنگی ءَ را ھلاس کناں گڈا گرمی ءِ کساس گیش بیت ھمے سبب انت کہ کراچی ءِ مردم گوستگیں روچاں ھمیکیاس گرمی دیستگ انچوک اچبر نہ دیستگ۔ آئی ءَ گوشت کہ گلوبل وارمنگ ءِ رد ءَ پاکستان بنگیجی دھ ملک آنی لڑ ءَ ھشتمی نمبر ءِ سر ءَ انت۔
