اسلام آباد/گھوٹکی ۔ 30 مارچ (اے پی پی) مزن وزیر عمران خان ءَ گوشت کہ کرپشن ءُُ دزئی ءَ را ھلاس کنگ ءِ مشن پاکستان تحریک انصاف ءُُ ایشی ءِ ھمبراھ داریں گل آنی یکجاھی پیسلہ بوتگ۔ ما اے مشن ءَ را گڈی سیم سر آں سر کناں۔ اے گپ آئی ءَ شمبے ءِ روچ ءَ گھوٹکی ءِ تر ءُُ تاب ءِ موہ ءَ علی محمد گوہر ءِ گس ءَ پاکستان تحریک ءِ انصاف سندھ ءِ ھمگامیں گل ءُُ اسمبلی ءِ باسک ءُُ کلانہ ایں سروک آنی گوما گند ءُُ نند ءِ ساھت ءَ کت۔ گند ءُُ نند ءِ ساھت ءَ سندھ ءِ ھواریں جاور ھال، کار ءُُ سندھ ءِ الس ءِ گہبود ءِ واستہ بنجاھ ءِ نیمگ ءَ چست کتگیں گامگیج انی بابت ءَ گپ ءُُ تران بوت۔ مزن وزیر ءَ اے موہ ءِ سر ءَ کرپشن ءُُ دزئی ءِ ھلاس کنگ ءِ مشن پاکستان تحریک انصاف ءُُ ایشی ءِ ھمگامیں گل آنی یکجائیں پیسلہ ءِ بوتگ۔ آئی ءَ گوشت کہ بنجاھی حکومت سندھ ءِ الس ءِ جیڈھ آنی گیواری ءِ واستہ ھمک رنگ ءِ کمک کنت۔
