اسلام آباد۔ 29 مارچ(اے پی پی) پاکستان کرتارپور راہداری نا بارواٹ دیوان ءِ پدبٹنگ نا بھارتی فیصلہ غا است ہسونی نا درشانی ءِ کرینے ہرا 2اپریل آ واہگہ ٹی اڈ ہلنگ پک ئس۔ ترجمان دفترخارجہ ڈاکٹر محمد فیصل بھارت نا آخیری وخت اٹی فیصلہ غا تینا ردعمل نا درشانی ءِ کرسا پارینے کہ پاکستان ءِ دابارواٹ پت اٹی ہلنگتنے۔ جمعہ نا دے آ تینا اسہ ٹویٹ اسے ٹی ترجمان پارینے کہ پاکستان آن اونا رائے ءِ معلوم کننگ آن بیدس و خاص کر 19 مارچ آ جوڑ جاڑی تکنیکی دیوان آن پد آخیری وخت اٹی التواء نا فیصلہ ناقا بل فہم ءِ۔ اوپارے کہ دادیوان ہرانا مسخت ایسر نا چاری ویل آتیا سجفنگ و امنائی اس وضع کننگ ئس، آ 14مارچ آ اٹاری ، بھارت اٹی ہڑتوم آ کنڈآک امنا کریسر۔ داکان مست جمعہ نا سہب پاکستان واہگہ ٹی 2اپریل آ مروک آ کرتارپور دیوان نا کوریج نا خواہندار بھارتی صحافی تا خیرمقدم ءِ کرسا اوفتے ویزہ نا دوئی کننگ اٹ آسراتی تننگ نا پیش کش کریسس۔
