اسلام آباد۔ 29مارچ(اے پی پی) حکومت بجلی نا پیدوار ، بشخ وپانٹ و ترسیل نا نظام اٹی زرکاری ءِ ودفنگ نا فیصلہ ءِ کرینے و داچرجوئی ٹی ملکی و درملکی کمپنی تے زرکاری کن آسراتی و مراعات تننگک۔ وزارت پاور ڈویژن نا ذرائع نا رداٹ چین پاکستان اقتصادی راہداری (سی پیک) نا رداٹ توانائی نا چندی ڈٹ آتیا کاریم برجاءِ و دابشخ اٹی ڈٹ آتے ترندی اٹ پورو کننگ کن گام گیج کننگ انگ ءِ نجی بشخ ہم توانائی نا بشخ اٹی پبی است خواہی نا درشانی ءِ کرینے و براہ راست درملکی زرکاری ہم بجلی نا پیدوار ترسیل و بشخ وپانٹ نا نظام اٹی ودنگ ءِ بجلی نا پیدوار نا بشخ اٹی 40 ارب ڈالر آن زیات نا زرکاری و بشخ وپانٹ نانظام اٹی 15آن 20 ارب ڈالر نا زرکاری نا گنجائش ساڑی ءِ ہراڑان ٹرانسمیشن لین، ٹاسفارمر و ایلو تعلقدار ازباب آتے بدل کننگ وپوسکن آ ازباب آتا تخنگ ءِ المی جوڑ کننگ مریک۔
