ریاض۔ 28مارچ(اے پی پی) بنجائی وزیر اطلاعات و نشریات چوہدری فواد حسین سعودی وزیر دودوربیدگ شہزادہ بدر بن عبداللہ بن محمد بن فرحان تون سعودی عرب نا دارالحکومت ریاض اٹی اوڑدہی کرے ہراٹی ہڑتوم آ برادر اسلامی ملک آتا تین پہ تینی تعلقداری خاص کر دودوربیدگی معاملہ غاتیا گپ و تران کننگا۔ اوڑدہی ٹی 18 فروری 2019ء آ اسلام آباد اٹی مروک آ دیوان اٹی کروک آ فیصلہ غاتیا پیش رفت نا جاچ ءِ ہم ہلنگا۔ وزیر اطلاعات چوہدری فواد حسین سعودی وزیر ءِ وزیراعظم عمران خان نا دودوربیدگ نا بشخ انا بابت وژن آن معلومدار کرے۔ بنجائی وزیر چوہدری فواد حسین پارے کہ دودوربیدگ ملکی دروشم ءِ تالان کننگ نا اہم ءُ ذریعہ اسے۔ وزیر اطلاعات پاکستان اٹی نیزگاری نا چٹفنگ و معاشی سوگوی کن خادم حرمین شرفین شاہ سلمان بن عبدالعزیز و ولی عہد محمد بن سلمان آل سعود نا کمکاری آ منت واری ءِ ہرفے۔ سعودی وزیر دودوربیدگ شہزاد بدر پارے کہ پاکستان و سعودی عرب نا تین پہ تینی تعلقداریک آزموندہ ءُ ۔ اوپارے کہ وزیراعظم عمران خان نا پاکستان ءِ سوگو کننگ کن کروک آ کوشست آتا ستاءِ کینہ۔ وزیر اطلاعات چوہدری فواد حسین تون اوار خیبر پختونخوا نا وزیر اطلاعات شوکت یوسفزئی ہم سعودی عرب نا دورہ غاٹی ءِ۔ پاکستانی ڈل وزیر اطلاعات چوہدری فواد حسین نا کماشی ٹی سعودی وزیر دودوربیدگ شہزاد ہ بدر بن عبداللہ آل سعود نا خصوصی سلہ غاسعودی ٹی ساڑی ءِ۔ سعودی عرب نا سفیر علی اعجاز راجہ ہم دااوڑدہی ٹی ساڑی ئس۔

متعلقہ مضامینمصنف کی طرف سے مزید