اسلام آباد۔ 28مارچ(اے پی پی) پاک بحریہ نا سروک ایڈمرل ظفر محمود عباسی ساڑی آ بے چیٹی تیٹی پاک بحریہ نا آفیسر و ورناتا بڑزکو جوزہ و کسبی چاہنداری تا ستاءِ کرسا پارینے کہ پاک بحریہ ہروڑنا حالیت آتون مون تننگ کن ہروخت تیار و مستعد ءِ۔ ترجمان پاک بحریہ نا رداٹ پنچ شنبے نادے آ نیول ہیڈ کوارٹر اسلام آباد اٹی پاک بحریہ نا کمانڈ اینڈ اسٹاف کانفرنس اس اڈتننگا۔ کانفرنس نا کماشی ءِ پاک بحریہ نا سروک ایڈمرل ظفر محمود عباسی کرے۔ کانفرنس اٹی پاک بحریہ نا آپریشنل تیاری ، شونداری ڈٹ و ساڑی سیکورٹی حالیت آتا جاچ ءِ ہلنگا۔ نیول چیف ءِ پاک بحریہ نا جاری و آخبت نا ڈٹ آتیا حوال تننگا۔ پاک بحریہ نا سروک پاک بحریہ نا آپریشنل تیاری تیا است جمی نا درشانی ءِ کرے۔ نیول چیف ساڑی بے چیٹی تیٹی پاک بحریہ نا آفیسرز و ورناتا بڑزکو جوزہ و کسبی چاہنداری تا ستاءِ کرے۔
