اسلام آباد ۔ 27 مارچ (اے پی پی) دری کارانی وزیر شاہ محمود قریشی ءَ گوشت کہ سرجمیں راج ءَ را سلاھ بندیں اُردو ءِ صلاحیت آنی سرا چکاریں بھروسہ انت،پاکستان کسے ملک ءِ ھلاپ ءَ جارحانہ عزائم ءَ نہ ایر کنگ انت بلے وتی دفاع ءِ حق ءَ ایر کنگ انت۔اے گپ آہاں چار شمبے ءَ ادا فضائیہ ہیڈکوارٹرز ءِ تہ پاک فضائیہ ءِ سروک ایئرچیف مارشل مجاہد انور خان ءِ گوما گند ءُُ نند ءِ تہ کتگ انت،گند ءُُ نند ءِ تہ خطہ ءِ امن ءُُ ایمنی ءِ جاورھال ءِ ھوار ھاسیں معاملہانی سرا ھیال ریچی کتگ ،ایئرچیف مارشل مجاہد انورخان ءَ کجام وڈ ءِ جارحیت ءَ گوں دیم دیگ ءِ ھاترا پاک فضائیہ ءِ تیاری آنی ھوالہ بنجاہی وزیر شاہ محمود قریشی ءَ را بریفنگ داتگ۔
