مزن وزیر عمران خان ءِ برطانوی اھوالتاک ’’فنانشل ٹائمز‘‘ ءَ را گلگدار

اسلام آباد۔ 27 مارچ (اے پی پی) مزن وزیر عمران خان ءَ گوشت کہ نوکیں پاکستان ءَ ناشرکاری ءِ واستہ اِچ جاھ نیست انت، پاکستان وتی سر ڈگار ءَ ناشرکاریں ڈل آناں اچ رنگ ءَ اجازت دات نہ کنت۔ آئی ءَ اے گپ نامداریں اھوالتاک ’’فنانشل ٹائمز‘‘ ءَ را یک گلگدارے دیان ءَ گوشت۔ مزن وزیر ءَ گوشت کہ نوکیں پاکستان ءَ ناشرکاری ءِ واستہ اچ جاہ نیست ، آوانی ھلاپ ءَ کریک ڈاؤن جاڑی انت ءُُ ما آوانی سرجمیں کوکا ءَ را ھلاس کنگ ءَ آں، اے بابت ءَ انوں ھرچی بوھگ ءَ انت پاکستان ءَ ایشی ءَ چہ پیسر اچبر نہ بوتگ۔ آئی ءَ گوشت کہ پاکستان ءِ جیش محمد ءَ گوں اچ سیادی نیست انت۔ مزن وزیر عمران خان ءَ گوشت کہ بھارت ’’جنگی جنون‘‘ ءِ تہ ءَ انت ءُُ منا انو ءَ تاں ترس است انت کہ گچین کاری ءَ چہ پیسر چیزے نہ چیزے بوت کنت۔ یک جستے ءِ پسو ءَ مزن وزیر ءَ گوشت کہ وھد ءِ پلوامہ ءِ واکیہ بوت گڈا مودی حکومت ءَ ایشرا جنگی سر مستی پیداک کنگ ءِ واستہ کارمرد کت۔ مزن وزیر ءَ گوشت کہ بھارتی الس آناں زانگ لوٹیت کہ اے درس گچین کاری آنان باج برئی ءِ واستہ کنگ بوتگ۔ ایشی ءَ چہ برصغیر ءِ گواچنی جیڈھ آں گوں اچ سیادی نیست انت۔ آئی ءَ گوشت کہ 19سالی بچک ءَ پلوامہ ءَ وت کشی کتگ ایشی ءَ سیادی گوں مقبوضہ کشمیر ءَ گوں بوتگ، آئی ءِ مات ءُُ پت آنی گوشف بوتگ کہ سیکورٹی فورسز آناں گوشتگ کہ آئی ءَ را ناروائیں سلوک ءَ ناشرکار جوڑ کتگ، ھمے ھاترا پلوامہ اُرش بھارتی شہری ءَ کتگ ایشی ءِ تہ ءَ بھارتی گاڑی ءُُ بھارتی تراکی چیز کارمرد بوتگ اَنت، پدا اُرش ءِ بھتام چیا پاکستان ءِ سر ءَ لڈگ بوھگ ءَ انت۔ یک جستے ءِ پسو ءَ مزن وزیر ءَ گوشت کہ چین ءِ گوما پاکستان نزیکیں سیادی است ءُُ اے گپ شر نہ انت کہ پاکستان سی پیک ءِ چیر دستی ءَ چین ءِ چیر دستیں ریاست ءِ جوڑ بوتگ۔ آئی ءَ گوشت کہ چین مُدام پاکستان ءِ واستہ کمکار بوتگ ایشی ءِ پد ءَ ما ایشی ءِ شگر ءُُ منت وار آں وھدیکہ مزن وزیر ءَ اے گپ ءَ را رد کت کہ چینی وام پاکستان ءَ را وام آنی جال ءَ گوں اڈگ ءِ سفارتکاری ءِ بھر انت۔